Эрон билан ўйинга 14 кун қолди. Эрон Австрияда йиғин бошлади, Бабаян таркибни эълон қилди

Агар биз ғалаба қозонсак, Россияда бўлиб ўтадиган жаҳон чемпионатига бориш учун яна бир имкониятга эга бўламиз. Мабодо Эрон зафар қучса улар саралаш ўйинлари тугашига икки тур қолганда масалани ҳал этишади.

Бугун Самвел Бабаян Таиландга қарши ўртоқлик ҳамда Эронга қарши расмий ўйинлар учун таркибни эълон қилди. Кенгайтирилган рўйхатдан 28 нафар футболчи жой олган. 30-31 май кунлари Ўзбекистон Кубоги доирасида учрашувлар бўлиб ўтишини инобатга олсак катта эҳтимол билан футболчилар 1 июндан эътиборан йиғила бошлайдилар.

Эрон терма жамоаси эса Австрияда йиғин бошлади. Улар 4 июнь куни Черногория термаси билан ўртоқлик ўйнайдилар. Биз эса 6 июнда Таиланд билан куч синашиб кўрамиз. Эрон ўртоқлик учрашувини ўтказиб бўлгач, Теҳронга қайтади. Ва шундан сўнг 12 июнь кун бўладиган ҳал қилувчи ўйинга тайёргарликни ўзида давом эттиради.