Эрнесто Вальверде: “Шартномани узайтириш ҳақида гапиришга ҳали эрта”

Вальверде журналист томонидан “Барселона” билан шартномани узайтириш масаласида берилган саволга шундай жавоб берди. 

“Ҳозир амалдаги шартномам бор. Унда клубда яна бир йил қолишим мумкинлиги ҳақида банд бор. Лекин ўзингиз вазиятни кўряпсиз. Футбол кундан-кунга ўзгаряпти. Мавсум узоқ давом этади. Воқеалар ривожини кузатиб бориш керак. Бу ҳақда гапиришга эрта”, - деди Вальверде Goal нашрига берган интервьюсида.

Маълумот учун, Эрнесто 2017 йилнинг май ойида “Барселона” бош мураббийи этиб тайинланган эди. 54 ёшли мутахассис каталонияликлар билан Испания чемпиони, мамлакат кубоги ҳамда Суперкубоги соҳиби бўлди. 

“Барселона” - “Жирона” учрашуви бугун “Камп Ноу” стадионида бўлиб ўтади ва Тошкент вақти билан соат 23:45да бошланади.