Эрик тен Хаг: "Онана яхшироқ ўйин кўрсата олади"
20 oct 2023 22:16
News

Эрик тен Хаг: "Онана яхшироқ ўйин кўрсата олади"

"Манчестер Юнайтед" бош мураббийи Эрик тен Хаг жамоанинг ҳозирги посбони Андре Онанани собиқ дарвозабонлар Давид де Хеа ҳамда Петер Шмейхель билан солиштирди.

Онана МЮдаги дастлабки 10 ўйинида 18 гол ўтказиб юборди. 2011 йилда де Хеа ҳам манкунианликлардаги стартида омадсизликка учраган ва 10 ўйинда 17 гол қўйиб юборганди.

"У ҳам биз ҳам янада яхшироқ бўла олишини биламиз. Премьер-лигага эндигина ўтган исталган футболчидан мослашиш учун вақт талаб қилинади. Бироқ у бирданига ўзини кўрсатиши керак. Масалан, Давид де Хеа ҳамда Петер Шмейхель ҳам МЮдаги фаолиятини унчалик ёрқин бошламаган. Андре ҳам бундай тарихларни ўқиб чиқиши керак деб ўйлайман.
Келажакка умид билан қараяпмиз. Сифатли ўйинлар кўрсатиб, ушбу клубда у ўзи учун келажак қура олиши лозим. Ишонаман, у буни қила олади. У буни бир неча марта "Барслона", "Аякс" ва "Интер" каби катта клубларда исботлаган", - деди тен Хаг.

Link :

Source : championat.asia

Receive latest football news directly on your phone. Subscribe for our Telegram channel!

Rating: -1