Эрик тен Хаг 2019 йилда Криштиану Роналду ҳақида нима деганди?

Нидерландиялик мураббийга қаттиқ прессинг қилишга тайёр бўлган бақувват, меҳнаткаш ўйинчилар керак - баъзилар Роналду бу талабларга жавоб бермайди, деб ҳисоблайди.

Бироқ Тен Хаг сўнгги бор Роналду билан 2019 йилги Чемпионлар лигаси чорак финалида тўқнаш келганида, у илиқ сўзлардан бошқа лом-мим демади.

"Роналду ҳам бизга қарши ўйинда майдонга тушса соз бўлади, деб ўйлайман. Биз энг яхши рақибларга қарши ўйнашни истаймиз. Албатта, бу рақибларга қарши майдонга тушиш мураккаб, бироқ биз қийинчиликларни енгиб ўтишни яхши кўрамиз. Роналдудек ўйинчи билан рақобатлаша олиш ажойиб жараён".

Ўшанда Тен Хаг бошчилигидаги "Аякс" жамоаси сафардаги жавоб ўйинида "Ювентус"ни 2:1 ҳисобида мағлуб этиб, Чемпионлар лигаси ярим финалига йўл олди.

Ўша воқеадан сўнг орадан 3 йил ўтди, шу боис Тен Хаг келаси мавсумда "Олд Траффорд"да тўп тепадиган клубни қабул қилиб олса, Криштиануни ўз жамоасига мослаштирадими ёки йўқми, буни вақт кўрсатади.