Latest news

23:05Самарқандда хайрия учрашуви: "Динамо" фахрийлари Ўзбекистон МТЖ афсоналари учрашувида 8 та гол урилди  13 22:31Данни Блинд "Аякс"ни тарк этади  0 22:02Расман: "Барселона" собиқ футболчиси Ашурматов ва Машариповнинг жамоадошига айланди  2 21:22U-23 Осиё Кубоги саралаш босқичи. Ўзбекистон Қирғизистон билан дуранг ўйнади  72 21:09Суперлига 21-тур ҳакамлари расмийлари маълум. Марказий тўқнашувни ким бошқаради?  4 20:30Интервью. Жоэль Кожо: "Динамо"га қайтишим мумкин эди, лекин "Истиқлол"ни фақат "Нефтчи" рози қила олди"  4 20:00УEФА 11 сентябрь куни "Вильярреал" – "Барселона" ўйини қаерда ўтиши ҳақида қарор қабул қилади  3 19:38"Барселона" футболчиси жароҳати сабаб терма жамоа ихтиёрини тарк этди  3 19:10МЮ собиқ футболчиси Англия эмас, Конго ДР шарафини ҳимоя қиладиган бўлди  1 18:26"Челси" "Барселона" футболчисидан умидини узмаган  1 17:54Луческу – терма жамоалар тарихидаги энг ёши катта мураббий  1 17:25U-17 халқаро мусобақаси. Ўзбекистон Канадани пенальтилар сериясига кўра мағлубиятга учратди  8 16:59Мбаппе Анрига етиб олди  9 16:35Ўзбекистон МТЖ Panini билан ҳамкорлик қилади   10 16:13ФИФА президенти CAFA Nations Cup финалига келади  10

ЕЧЛ. Чалханўғлунинг голи "Интер"га "Барселона" устидан ғалабани тортиқ қилди News

ЕЧЛ. Чалханўғлунинг голи "Интер"га "Барселона" устидан ғалабани тортиқ қилди

Европа чемпионлар лигаси 3-туридан ўрин олган марказий учрашувлардан бири якунланди.

Интер – Барселона 1:0

4 октябрь, 23.59, «Жузеппе Меацца (Сан-Сиро)»

Гол: 1:0 – 45 Чалханоглу.

Интер – Онана, Дармиан (Гозенс, 77), де Врей (Ачерби, 77), Шкриньяр, Бастони, Димарко (Думфрис, 76), Мхитарян, Чалханоглу (Аслани, 85), Барелла, Корреа (Джеко, 57), Мартинес.

Барселона – тер Стеген, Серджи Роберто, Кристенсен (Пике, 58), Эрик Гарсия, Алонсо (Бальде, 64), Бускетс, Педри, Гави (Кессиэ, 83), Левандовски, Дембеле, Рафинья (Фати, 64).

Огоҳлантиришлар: Барелла (22), Бускетс (60), Хави (68), Чалханоглу (70), Мартинес (76), Гави (76), Индзаги (80), Бастони (88), Онана (90).


МАТНЛИ ТРАНСЛЯЦИЯ

ЯНГИЛАШ

УЧРАШУВ ЯКУНЛАНДИ!

90+5. "Барселона" босимни оширмоқда.

Ҳакам ВАРга мурожаат қилди ва "Интер" дарвозасига пенальти белгиламади.

90. Иккинчи бўлимга 8 дақиқа қўшиб берилди.
88. "Барса"да қулай имконият юзага келди. Дембеленинг узатмасидан сўнг Бускетс зарба йўллади, ноаниқ.

83. Хави Гавини захирага олди, Кэссиэ майдонга туширилди.

80. Пикенинг ҳам фойдаси тегди. Испан ҳимоячиси рақиб ҳужумини бартараф этди.

76. Ҳакам Гави ва Лаутаро майдон жанжалхона эмаслигини эслатиб қўйди.

73. Эрик Гарсия жамоани муқаррар голдан қутқарди, акс ҳолда Лаутаро рақиб посбони билан бирга-бир вазиятга чиқиб кетарди.

70. Чалханоглу бугун ҳамма нарсани қўлга киритмоқчи. Сариқ карточка олишга улгурди, энди қизил қолдиёв.

67. ГОООООООООООООООООЛЛЛЛЛЛЛЛЛЛ!!! Педри Онанинг хатосидан сўнг бўш қолган дарвозани ишғол қилди. Фати қўл билан ўйнагани учун ҳисобга олинмади.

64. Бальде Алонсони, Фати эса Рафиньяни алмаштирди.

61. Дембеленинг кучли зарбасини Онана бартараф этди. Ҳаммагаяммас камерунлик дарвозабонни доғда қолдириш.

60. Бускетс Лаутарони югуриб чарчашига йўл қўймади ғамда уни турган жойида "ўтқазиб қўйди", оқибатда ҳакам томонидан тақдирланди.

58. Кристенсен жароҳат олиб, майдонни тарк этди, Пике унинг ўрнига туширилди.

56. Жеко Корреа ўрнига майдонга тушди.

56. Чалханоғлу яна зарба бераман деб чалғиди, чайқалди ва чалқанча йиқилди.

53. Барелла бироз аввал уни йиқитишганига жавоб қайтарди.

51. Лаутарони рақиб футболчиси қучоқлаб, яқин дўсти каби бағрига босиб олди. Аргентиналик ҳужумчи эса ҳужум бузилганидан жиғибийрон бўлди.

49. "Интер"нинг икки футболчиси тўп кетидан "чанғи учди", бироқ иккаласиям унга етолмади.

46. Мезбонлар тезкор ҳужумлар билан таймни бошлади.

46. Иккинчи бўлим бошланди.

Юз-қўлингизни ювиб олинг, иккинчи бўлим старт олмоқда.

Биринчи бўлим якунланди.

45+2. ГОООООООООООООООООООООЛЛЛЛЛЛЛЛЛЛЛ!!! Чалханоғлу 20 метрлар масофадан дарвозанинг узоқ бурчагига аниқ зарба йўллаб, ҳисобни очди.


45. Биринчи бўлимга 3 дақиқа қўшиб берилди.

39. Лаутаро шеригининг узатмасига етиши учун унга нарвон керак бўларди.

36. Дастлаб "Барса", сўнгра "Интер" ҳужум ташкиллаштирди, иккаласиям кўнгилдагидек чиқмади.

32. Бареллага нисбатан қоида бузилди.

28. Корреа гол уриб олсин дея ён ҳакам индамай турди, кейин эса ҳазиллашдим дегандек байроқчасини дарҳол ҳилпиратди.

27. Онана дарвозаси ёнида жамоа мухлисларини юрак ҳовучлашга мажбур этиб, рақиб футболчисини алдади.

24. Лаутаро офсайдда эди, акс ҳолда "Барселона" дарвозасига пенальти белгиланарди.

22. "Интер" футболчилари пенальти сўрамоқда. Тўп Эрик Гарсиянинг қўлига тегди.

21. Лаутаро ўзидан учта келадиган баландликка бош билан зарба йўллади.

20. Педри "Интер" футболчиларига гол учун тўланадиган мукофот пулидан маҳрум этди.

18. Левандовски зарбасининг тезлиги унинг 70 ёшида йўллайдиган тезлиги каби кўриниш олди.

14. Онана Ўзбекистон терма жамоасидан гол ўтказиб юбориши мумкин, лекин "Барселона"дан осонликча тўп ўтказмайди.

12. Алонсо бурчакдан узатмага бош қўйди, зарба эса зарбага ўхшамади.

7. Чалханоглу чамаси 30 метрлардан тер Стегеннинг ўйинга тайёргарлигини синаб кўрди.

4. Онана майдон четидаги Хавига пас берди, испаниялик мураббий эса рақиб посбонининг бу ҳаракати учун уни олқишлади.

2. Дембеле бурчакдаги байроқчани безовта қиладиган бўлди. Стандарт вазият.

1. Учрашувни "Барселона" бошлаб берди.

1 дақиқа сукут сақланмоқда...


Жамоалар майдонга тушиб келди.

Ассалому алайкум, уйқу билан жанг қилаётган футбол ишқибозлари! Ушбу жангда сизга ғалаба тилаймиз, сабаби Милан шаҳрида ундан-да даҳшатлироқ тўқнашув бизни кутиб турибди. Шу боис, ширин тушлар мамлакатига сафарингизни бироз кечиктиришингизга тўғри келади.

Rating: +14   

Comments

championat.asia
< show latest news
Яндекс.Метрика