Драган Черан: "Мавсум бошида барқарорлик етишмаётганди. Ёш футболчилар кўп нарсани тушуниб етишмоқда"

"Ҳар доимгидек, принципиал ўйин. Икки жамоа дарвозаси олдида кўп вазиятлар содир бўлди. Гол етишмади. Умуман олганда, натижа адолатли. "Пахтакор" – "Навбаҳор" учрашуви доим юқори темп остида ўтади. Кўрган бўлсангиз, менда ҳам гол уриш учун имконият юзага келганди. Ўткир Юсупов бир нечта вазиятларда голдан қутқариб қолди. 

Албатта, мавсум бошида барқарорлик етишмаётганди. Ёш футболчилар кўп нарсани тушуниб етишмоқда. Улар секин-аста тажриба тўплашмоқда. Бизни иккинчи даврада чемпионлик кутмоқда. "Пахтакор" курашади", – дейди Черан. 

"Шерлар" навбатдаги турда 21 июнь куни Олмалиқда ОКМК меҳмони бўлади.