Latest news

01:35АПЛ. "Ман Сити" "Лестер"ни мағлубиятга учратди. Ҳусанов қайдномага киритилмади  122 00:45"Арсенал" Нико Уильямснинг агенти билан музокараларни бошлади  0 00:30Испания кубоги. "Атлетико" ва "Барселона" финал учун жангга киришишди (онлайн ҳисоб)  30 00:15"Пахтакор" бор аламини "Машъал"дан олди  12 23:52Асрор Алиқулов: "Бугун аввалги ўйиндан фарқли тарзда руҳий томонлама ютқаздик"  2 23:32Педро Морейра: "Бу натижа биз учун кейинги ўйинларга яхши кайфият бағишлайди. Холматов ва Бўриевни бир муддатга йўқотдик"  3 23:12Италия кубоги. "Милан" – "Интер". Дерби учун таркиблар аниқ  2 23:06АПЛ. "Ливерпуль" – "Эвертон". Таркиблар аниқ!  1 22:25Гвардиола кейинги мавсумдан А Серия клубини бошқариши мумкин  4 21:59Муҳаммад Салоҳ "Ливерпуль" билан шартномасини узайтиришга яқин  2 21:27Суперлига. "Пахтакор" "Машъал"га "шапалоқ" тушириб, мавсумдаги илк ғалабасини қўлга киритди  78 20:32Ўзбекистон U-17 терма жамоаси бош мураббийи Осиё кубоги олдидан ОФК расмий сайтига интервью берди  6 19:00Ўзбекистон Кубоги. Бугунги баҳслар ғолиблари пенальтилар серияси орқали аниқланди  4 17:51Ла Лига "Барса"нинг Ольмо ва Викторни рўйхатга олиш учун асоси йўқлигини эълон қилди  45 17:22DAZN Франция Лига 1 чемпионати ўйинларини кўрсатиш бўйича шартномани бекор қилмоқчи  0

"Динамо"ни танлаши, "Хўжанд"даги фаолияти борасида Шоҳруҳ Маҳмудҳожиев билан суҳбат News

"Динамо"ни танлаши, "Хўжанд"даги фаолияти борасида Шоҳруҳ Маҳмудҳожиев билан суҳбат

Суперлига иккинчи давраси олдидан "Динамо" жамоаси ўз таркибига 24 ёшли ҳужумчи Шоҳрух Маҳмудҳожиевни қўшиб олди.

Шундан кейин у билан боғландик ва сайтимиз учун интервью олдик. 

Динамога ўтишингиз қай тариқа амалга ошди?

- Ҳаммаси оддий. Тожикистондан кетишимни билганимдан сўнг менга бир қатор жамоалардан таклиф бўлди. Жумладан, "Динамо" мутасаддилари томонидан алоқага чиқишди. Ўзим ҳам фаолиятимни ўзимизда давом эттириш ниятим бор эди. Ҳар ҳолда оиламга яқин жойда футбол ўйнашни истаётгандим. Кейинчалик "Динамо" билн музокара ўтказиб, якунда шартнома имзоладим. 

- Жамоа билан қанча муддатли шартнома имзоладингиз?

- "Динамо" билан 2022 йил охирига қадар шартнома имзоладим.

- Бу ердаги рақобатга муносабатингиз қандай?

- Ҳозирда жамоада рақобат жуда яхши. Ички муҳитга гап йўқ. Дейлик, жамоага мендан ташқари, Марат Бикмаев, Эркин Бойдуллаев сингари тажрибали футболчилар таклиф қилинди. Марат ака билан "Пахтакор"да бирга ўйнаганман, ундан кўп нарса ўрганганман. Хуллас, юқорида тилга олган икки нафар футболчидан майдонда ва унинг ташқарисида кўп нарса ўрганиш мумкин. Қисқаси, рақобатдан чўчимайман, жамоага ёрдам бериш истагида келдим. 

- Бу йилги Суперлига ўйинлари қандай кечмоқда?

- Мен Тожикистонда тўп тепаётган вақтимда ҳам, Ўзбекистон Суперлигасини мунтазам равишда кузатиб бордим. Айтиш керакки, чемпионат жуда қизиқарли кечмоқда. Чемпионлик учун курашаётган жамоалар орасида очколар тафовути у қадар катта эмас. “Динамо” пастда бўлишига қарамай, иккита ғалаба билан юқорига кўтарилиб олишимиз мумкин. Хуллас, Суперлига ўйинлари жуда қизиқ ва муросасиз ўтмоқда. 

- Суперлиганинг бошқа жамоаларидан таклиф бўлдими?

- Ҳа, бошқа жамоалардан таклиф бўлди. Лекин мен "Динамо"ни танладим ва жамоага ўз ёрдамимни беришни истайман. 

- "Хўжанд"даги фаолиятингиз қандай бўлди? Бу жамоага ўтишингиздан афсусланмадингизми?

- Биласизми, мен "Хўжанд"да фақат ҳужумчи позициясида ўйнамадим. Баъзида қанотларда ўйнадим. Кўпроқ ҳужумкор ярим ҳимояга қўйди. Бир сўз билан айтганда, мени турли чизиқларда синаб кўришди. Тожикистондаги фаолиятим ўзим учун янги босқич бўлди. Легионер сифатида ўйнаш истаги бўлди, босимни ҳис қилдим. 

Яна бир жиҳатга эътибор қаратишни истардим. Мен ўз хоҳишим билан "Хўжанд"ни тарк этдим. Шартномамда шундай банд бор эди, ярим мавсумдан кейин менга бошқа таклиф бўлса, кетишим мумкин эди. Ўзим раҳбарият ва мураббий олдига кириб, вазиятни тушунтириб, кетмоқчи эканимни тушунтирдим.

Умуман олганда, Тожикистонда ҳам яхши футболчилар бор. Лекин футболи кучли эмас. Шароитлар ҳам ўртача. Масалан, "Истиқлол"дан ташқари, бошқа жамоаларнинг стадионларида прожектор муаммо. Ўйинлар 16:00 ёки 17:00да бошланади. Иссиқ ҳавода тўп тепишга тўғри келди. Бизнинг Суперлигада ўйинлар 20:00да бошланмоқда. Бундан ташқари, клубларнинг базаси йўқ. Агар ҳамма клубида барча имкониятлар бўлса, уларда футбол ўсади.

Rating: +2   

Comments

championat.asia
< show latest news
Яндекс.Метрика