«Динамо» «Насаф»га қарши ўртоқлик учрашуви ўтказади
16 mar 2017 11:00
News

«Динамо» «Насаф»га қарши ўртоқлик учрашуви ўтказади

Ўзбекистон миллий терма жамоасининг 23 ва 28 март кунлари Сурия ва Қатарга қарши ўйинлари боис, Олий Лигада қисқа танаффус юзага келади.

12 март куни 3-тур доирасида Тошкентда «Пахтакор»ни мағлуб этган «Динамо» айни дамда Олий Лига турнир жадвалида пешқадамлик қилмоқда. 4-тур ўйини бўлмиш «Навбаҳор»га қарши учрашув 31 март куни ўтказилиши инобатга олиниб, жамоамиз Қаршининг «Насаф» клубига қарши ўртоқлик ўйини ўтказишга ўзаро келишиб олди. «Насаф» жамоасининг 3-тур доирасида 18 март кунги «Бунёдкор»га қарши ўйини қолдирилган.

«Динамо» - «Насаф» учрашуви 19 март, якшанба куни Самарқандда ўтказилади. Учрашув «Динамо» марказий стадионида соат 16:00 да бошланади. Чиптаси баҳоси 5 минг сўм. Қизиқарли ўтиши кутилаётган ушбу ўйинга мухлисларни таклиф этиб қоламиз.

Ўртоқлик учрашуви.
19 март (якшанба). 16:00.
«ДИНАМО» - «НАСАФ»
Самарқанд, «Динамо» стадиони.

Link :

Source : fcdinamo.uz

Receive latest football news directly on your phone. Subscribe for our Telegram channel!

Rating: +12