Дилшод Раҳматов: "780 минг сўм маош ва машғулотсиз ўйинга бориш. Бу "хўжа кўрсин" учун қилинган жамоа"

Кеча сайтимиз меҳмони бўлган терма жамоа етакчиси Дилшод Раҳматов ЎФА томонидан рағбатлантириш ва футзалдаги маош ҳақидаги саволимизга қуйидагича жавоб берди. 

"ЎФА аниқ бир сумма айтилмаган. Лекин яхши бўлади, дейишган. Биринчи бўлиб ишни қилиб қўяйлик, медал олайлик, деймиз. 

Етакчи жамоаларда, "Жиззах-Кентекс", БМБ, АГМКда маошлари яхши, деб ўйлайман. "Оил Стар" жамоасида ҳам вазият яхши. "Бунёдкор" футзалчилари ҳам маошини оляпти. Қолганларини билмайман. Бироқ пастдаги жамоаларнинг ўйинчиларининг маошларини катта футбол билан солиштириб бўлмайди. Футбол ўйнамайман, дейдиган даражада. Энг кам маош 2,5 миллион деб айтганимда, бир мураббийимиз 780 минг сўм олишини айтганди. Шундайлар ҳам бор. Машғулот қандай қиласизлар мазмунда сўраганимда, тўғри ўйинга борилишини таъкидлаган эди. Бу "хўжа кўрсин" учун қилинган жамоа",- дейди Дилшод Раҳматов.