Даврон Файзиев: "Тенг курашда мағлуб бўлиш жуда аламли"

"Мухлисларни хафа қилиб қўйдик деб ўйлайман. Бугун ғалаба қозониб уларга совға тақдим қилмоқчи эдик, тенг курашда мағлуб бўлиш жуда аламли. Сўнгги сонияга қадар ҳаракат қилдик, аммо гол ура олмадик. Мураббий натижага жавобгар ҳисобланади, шу боис барчасига мен айбдорман. Ишончим комил, бу жамоа билан анча юқори ўринни эгаллай оламиз. Омад кучлиларга кулиб боқади. "Бунёдкор" ОЧЛда қатнашмоқда, таркибда кучли футболчилар бор. Жамоа барчадан олдин мавсумни бошлади.

"Темур Ҳакимов бугун 100 фоиз кучи билан ўйнамади. У кўп бор ҳужумда қолиб кетди, ҳимояга ҳам қайтиши керак", - дейди Даврон Файзиев.

"Бунёдкор" матбуот хизмати