Latest news

02:03Лига 1. "Ланс" Абдуқодир Ҳусановсиз ҳам ғалаба қозонди  1 01:51УЕФА Евро-2024 қайдномасини 26 нафар ўйинчигача оширди  0 01:40Жасур Жалолиддинов: "Рақибдан кучлироқ эдик"  4 01:26Умарали Раҳмоналиев: "Бутун Ўзбекистон халқидан минг бор узр сўрайман"  17 01:13БАА. Ҳожимат Эркинов "Ал Ваҳда" сафида ОЧЛ финалчисини мағлуб қилиб, Лига кубогини қўлга киритди!  3 00:35Фоден журналистлар талқинига кўра АПЛнинг ушбу мавсумдаги энг яхши ўйинчиси деб топилди  0 00:08Тимур Кападзе Японияга қарши кечган финалдан сўнг нималар деди? (тўлиқ матбуот анжумани)  60 23:49Ўзбекистон ОТЖ U-23 Осиё кубоги "Fair Play" соврини билан тақдирланди  61 23:31"Ланс" Абдуқодир Ҳусановни тез орада бошланадиган "Лорьян"га қарши ўйин қайдномасига киритмади  17 23:19Япония – Ўзбекистон ўйинида қандай статистика қайд этилди?  27 23:01U-23 Осиё кубоги. Абдувоҳид Неъматов турнирнинг энг яхши дарвозабони деб топилди!  27 22:51Ўзбекистон Олимпия ўйинларининг "С" гуруҳидан жой олди. Испанияга қарши ўйнаймиз  58 22:40Винисиус ЕЧЛда ҳафта ўйинчиси деб топилди  7 22:38U-23 Осиё кубоги. Япония чемпион! Олимпиадага чиқиб бўлган Ўзбекистон пенальтидан гол ура олмади  532 21:23Про лига. "Қўқон-1912" ва "Машъал"да ғалаба. "Бухоро" "Арал" билан дуранг ўйнади  1

Данияр Хазимуратов: “Instat компанияси Ўзбекистоннинг Жаҳон чемпионатига чиқишига ишонади” News

Данияр Хазимуратов: “Instat компанияси Ўзбекистоннинг Жаҳон чемпионатига чиқишига ишонади”

InStat компанияси 10 йил давомида бутун дунё бўйича футбол ўйинларидаги чуқурлаштирилган статистик маълумотларни тақдим этиб келмоқда.

Футболчиларнинг майдондаги ҳаракатлари, футболчиларнинг жисмоний фаоллиги, аналитик материаллар, видео анализ ва футболчилар излаш учун замонавий қурилмалар, ўйинларни тасвирга тушириш учун автоматлаштирилган уникал технология – буларнинг барчаси InStat’да мужассам.

Айни пайтда 1300дан ортиқ футбол клублари ва терма жамоалар ушбу компания хизматларидан фойдаланмоқда. Улар орасида Франция терма жамоаси ёки “РеалМадрид” каби топ-жамоалар билан бирга Россия ёки Испаниянинг қуйи дивизионларида ўйнаётган клублар ҳам бор. InStat Ўзбекистон терма жамоаси ва бир қатор клублар билан ҳам ишлайди.
 
Биз InStat компаниясининг Ўзбекистондаги вакили Данияр Хазимуратов билан учрашиб ундан терма жамоамиз ва клубларимиз билан ҳамкорлик тўғрисида интервью олдик.



InStat фақат Ўзбекистон олий лига клублари билан ишлайдими?
- InStat компанияси 2012 йилдан бошлаб Ўзбекистон чемпионатидаги фаолиятини кенгайтира бошлаган. Ҳозирга келиб биз олий лигадаги барча ўйинларни таҳлил қиламиз. Бундан ташқари биз “Бунёдкор” ФК, “Локомотив” ФК, “Пахтакор”ФК ва “Машъал” ФК билан расмий ҳамкорлик қиламиз. Бу жамоалар бизнинг ҳисоботларимиздан унумли фойдаланиб келишмоқда. Видео платформа ва статистик анализ фақат ўтган ўйин таҳлили учун эмас, навбатдаги рақибни ўрганишда ҳам катта ёрдам беради. Масалан, кейинги рақиб жамоа стандарт вазиятларни қандай амалга оширади ёки уларнинг штатли пенальтичиси 11 метрли жарима тўпларини қайси нуқталарга тепишини ҳам билиб олиш мумкин.

Таъкидлаш лозимки, Ўзбекистондаги бизнинг мижозларимиз Осиё чемпионлар лигаси баҳсларига тайёргарликда ҳам InStat платформасидан унумли фойдаланиб келишмоқда. Бу мавсумдан бошлаб биз Ўзбекистонинг биринчи лига клублари билан ҳам ишлашни бошладик. Кейинги режаларимизда клубларнинг академиялари билан ҳамкорлик олиб бориш турибди. Клубнинг бутун тизимини қамраб олиш бу жуда ҳам муҳим.

- Ўзбекистон терма жамоаси билан ҳамкорлик ҳақида гапириб беринг.
- Бу ҳамкорлик билан фахрланамиз! Биз 2015 йилдан буён терма жамоа билан ишлаб келаяпмиз.Энг асосийси биз рақиб ҳақида фақат расмий ўйинлар эмас балки ўртоқлик учрашувлари борасида ҳам таҳлил юборамиз. Бундан ташқари, терма жамоа футболчиларининг турли чемпионатлардаги кўрсаткичларини ҳам йиғиб борамиз,бу эса бош мураббийга миллий терма жамоанинг асосий таркибини аниқлашда ёрдам беради. Айтганча, InStat компанияси ҳам,шахсан ўзим ҳам Ўзбекистон терма жамоаси Россияда ўтадиган 2018 йилги Жаҳон чемпионатига чиқишига ишонаман.

- InStat бошқа спорт турларида ҳам ишлайдими?
- Албатта. Бизнинг компания биринчи навбатда футбол билан ишлайди.ФранцияваИспания терм жамоалари, “Челси”, “Ливерпуль”, “Реал Мадрид”, “Барселона”ва бошқа гранд жамоалар биз билан ишлашларидан фахрланамиз. 2016 йилда компания футболдаги тажрибасини бошқа спорт турларига ҳам олиб ўтишга қарор қилди: шу тариқа футзал, муз устида хоккейва баскетбол бўйича лойиҳалар пайдо бўлди. Биринчи йилнинг ўзидаёқ олдинга катта қадам ташладик. Масалан,футзалдаги ҳамкорларимиз: Россия, Португалиява Бразилия терма жамоалари, Италия олий лигаси ва Россия премьер-лигасибир қатор клублари. Айтмоқчи,айни пайтда футзал бўйича Ўзбекистон терма жамоаси билан музокара олиб бораяпмиз.Бу жамоа ўйинларини Колумбиядаги мундиал вақтида тест режимида таҳлил қилиб чиққан эдик. Умид қиламизки, яқин вақт ичида худди футболда бўлгани каби футзалда ҳам терма жамоаингиз билан ҳамкорликни бошлаймиз.

- InStat’нинг скаут платформасиянги футболчилар қидириш ва ўз жамоингиздаги футболчини бошқаларга тавсия қилишда қандай ёрдам беради?
- Жавобнинг бир қисми саволнинг ўзидаёқ бор. Скаут платформасидагибизнинг базада 300 минг профессионал футболчилар мавжуд, ундан эса 4000 скаут ва агентлар фойдаланишади.InStat туфалйи улар анчагина вақтни тежашади, футболчининг ҳаракатларини кўриш учун дунёнинг бошқа чеккасига бориш шарт эмас.
Клубўзи учун керакли жойга футболчи излаши мумкин. Масалан, чап оёғи кучли ва 21 ёшдан кичик бўлган футболчи қидириш мумкин. Кўрсаткичлар сони жуда кўп,улар орқали нафақат керакли футболчини топиш, балки унинг сўнгги ўйинларини томоша қилиш имконияти ҳам бор.

Бошқа клубларнинг скаутларивафутбол агентлари клубингиз футболчисига қизиқиб қолиши эса шу ҳолатнинг тескариси орқали амалга ошади.



- InStat’нинг ишлаш принципи ҳақида гапириб беринг,ўзбек клублари иштирокидаги ўйинлардан қандай қилиб маълумотлар оласиз?
- InStat’нинг ишлаш принципи ўйин видеоёзуви асосида баҳс анализ ва учрашувни тўлиқ таҳлил қилиш ҳисобланади. Дастлаб биз клуб операторларидан ўйинлар видеосини олар эдик, аммо улар видеоларни кечикиш ва жуда ёмон сифатда юборишарди. Шунда ўйлаб қолдик: нима учун ўйинларни ўзимиз видеога олмаймиз? Ҳозир InStat штатдан ташқари операторлар ёрдамидаҳафтасига 100га яқин ўйинларни видеога олади.

Видеобаза тўплангач биз у қадар машҳур бўлмаган лигаларда ўйнаётган футболчилар борасида эксклюзив маълумотларга эга эканлигимизни тушундик. Уларни агентлар билишмайди, топ-чемпионатлар скаутлари бу футболчиларни кузатишмайди, аммо бу ерда машҳур футболчилар бўлиши мумкин. 2010 йилда InStat’дафутболчиларнинг ягона скаут платформасипайдо бўлган. Унда ҳар бир футболчининг статистикани кўриш мумкин, унинг кучли ва кучсиз томонлари, унинг ТТҲ видеосини томоша қилиш мумкин. Бу платформа орқали клуб ўзига керакли футболчини топиши мумкин: масалан, Сербияда ўйнайдиган учрашув давомида 10дан ортиқа ҳаводан тўп узатадиган қанот ҳимоячиси. Дастур шундай футболчиларни тақдим этади, хатто иккинчи ва учинчи лигаларда ўйнайдиганлар ҳам бу рўйхатда бўлади.

Биз InStat’нинг ҳамкорларидан бири бўлган Тошкентнинг “Бунёдкор” клуби вакилларининг ушбу компания ҳақидаги фикрлари билан қизиқдик.

"Тошкентнинг "Бунёдкор" клуби Instat компанияси билан 2016 йилдан буён самарали ҳамкорлик қилиб келмоқда. Ушбу компания билан ҳамкорлик қилаётганимиздан хурсандмиз. InStat биз мураббийларга шогирдларимиз қандай ўйнагани ҳақида батафсил маълумот беради, бу ҳар бир футболчининг ҳаракатларини ўрганиб чиқиш ва хатолар устида ишлашга ёрдам беради. InStat "Бунёдкор" академиясида таҳсил олаётган ёш футболчиларнинг маҳоратларини оширишга ҳам хизмат қилади. InStat ҳар бир рақибга қарши алоҳида тактика тузиш имконини беради", дейди "Бунёдкор" бош мураббийи Сергей Лушан.

"Instat маълумотлари орқали жамоамиз мураббийлар штаби ўтказилган учрашувларда футболчиларнинг ҳаракатларини кузатишади. Бундан ташқари кейинги рақибларимизни ўрганишда ҳам Instat бизга жуда катта ёрдам беради. Ушбу компания билан ҳамкорлигимиз бундан кейин ҳам давом этади деб ўйлайман", - дейди "Бунёдкор" клуби матбуот хизмати вакили Баҳодир Мирзаев.

Баҳодир Мирзаев Instat маълумотларини ўрганиш жараёнида


Championat.asia сайти InStat компанияси билан ҳамкорликни давом эттиради. Кейинги ҳафтада Ўзбекистон терма жамоасининг ЖЧ-2018 саралаши доирасидаги охирги иккита ўйинларининг (Сурия ва Қатар) тўлиқ таҳлили ўқувчиларимизга тақдим этилади.

Rating: +13   

Comments

championat.asia
< show latest news
Яндекс.Метрика