Чехия футбол ассоциацияси расмий баёноти: "Роналду Бицаннинг рекордини янгиламади"
21 jan 2021 20:35
News

Чехия футбол ассоциацияси расмий баёноти: "Роналду Бицаннинг рекордини янгиламади"

Кеча Италия Суперкубоги учун кечган “Ювентус” – “Наполи” (2:0) баҳсида туринликлар форварди Криштиану Роналду рақиб дарвозасини ишғол этди.

Кўплаб статистик манбалар португалияликнинг клуб ва миллий термада расмий ўйинлардаги 760-голини ургани ҳамда бу унга Йозеф Бицан (759)ни ортда қолдириб, футбол тарихидаги энг яхши тўпурарга айданишига замин яратгани ҳақида хабар берди.

Бироқ, Чехия футбол ассоциацияси Австрия ва Чехославакия терма жамоалари собиқ форварди Бицандаги голлар 821 талиги бўйича баёнот берди.

“Криштиану Роналду голлар сони бўйича афсонавий Йозеф Бицанга яқинлашаётганини туфайли чехословакиялик тўпурар нечта гол ургани ҳақидаги саволлар кўпайиб бормоқда.
Жавоб бундай – Йозеф Бицан расмий ўйинларда 821 та гол урган. Биринчи ва иккинчи лигалар (Австрия ҳамда Чехияда), миллий кубоклар, Марказий Европа Кубоги ва терма жамоалардаги ўйинларда урилган голлар ҳисобланмоқда. Агар миллий термага таалуқли бўлмаса, ўртоқлик ўйинларидаги натижалар инобатга олинмаган”, деб ёзилган баёнотда.

Ҳисоб-китоблар Чехия ФАнинг тарих ва статистика комиссияси томонидан олиб борилган.

Link :

Source : souteze.fotbal.cz

Receive latest football news directly on your phone. Subscribe for our Telegram channel!

Rating: +21