Чемпионатларимизнинг 26 йиллик умумий жадвали ҳақида
18 dec 2017 15:10
News

Чемпионатларимизнинг 26 йиллик умумий жадвали ҳақида

Ўзбекистон XXVI миллий чемпионати ҳам ўз ниҳоясига етди. Қуйида биз барча 26та чемпионатимизнинг умумий жадвалини сизларга ҳавола қиламиз.

Бундан ташқари 2017 йилда клубларимиз қайд этган эътиборли натижалар ҳақида тўхталамиз.

26 йиллик жадвални 11 карра чемпион “Пахтакор” бошқариб бормоқда. 770та ўйинда 1689 очко жамғарган “шерлар” энг кўп ғалабага эришган (522та) ва энг кўп гол урган жамоа (1722та) бўлиб туришибди. 17-турда “Нефтчи”га қарши баҳсда Игорь Сергеев урган гол жамоанинг 1700-голи бўлди. "Пахтакор"дан ташқари Ўзбекистонда ҳеч бир жамоа 500та ғалабага эришмаган. Бу йил жамоа 650-голини ўтказиб юборди. Кейинги йил жамоа 800-ўйинни ўтказади, бундан ташқари 1700-очкони қўлга киритиши мумкин.

Рўйхатда иккинчи поғонада бораётган Фарғонанинг “Нефтчи” клуби “Пахтакор”дан 170 очкога ортда қолмоқда. Жамоа бу йил ўз очколари сонини 1500тадан ошириб олди. Фарғоналиклар олий лигадаги юбилей 1550-голни уришлари учун 5та гол етишмаяпти.

Илҳом Мўминжонов бошчилигидаги “Навбаҳор” клуби умумий рўйхатда 3-ўринда. 21-турда “Металлург”га қарши ўйинда Азизбек Турғунбоев томонидан урилган биринчи гол “лочинлар”нинг олий лига тарихидаги 1300-голи бўлди. “Лочинлар” бу мавсумда очколарини 1200тага етказиб олишди. Кейинги йил жамоа 150-дурангга эришишлари ва 1000-голни ўтказиб юборишлари мумкин.

Бу йилги кумуш медаль соҳиби Қаршининг “Насаф” клуби умумий жадвалда 4-ўринда бормоқда. Қарши клуби бу мавсум 29-турда "Пахтакор"ни мағлуб этиб ўзининг 350-ғалабасини қўлга киритди. Жамоанинг ўйинлари сони 600тадан, очколари сони 1150тадан ошди. 22-турда "Обод" билан ўйинда Фаррух Сайфиевнинг урган голи жамоанинг тарихий 1100-голи бўлди. "Аждарлар" кейинги мавсум 650-ўйинни ўтказишади ва ўз очколарини 1200тадан ошириб олишлари мумкин.

Бу йилги мавсумда “Бухоро” клубининг 300-ғалабаси кузатилди. 20-турда “Нефтчи” билан ўйиндаги ғалаба жамоанинг юбилей ғалабаси бўлди. "Бухоро" якунига етган мавсумда ўзининг 1000-очкосини қўлга киритди ва 1100-голини ўтказиб юборди. Кейинги йил бухороликлар 750-учрашувни ўтказишади.

"Динамо" 2017 йилда умумий жадвалда "Андижон"ни ортда қолдириб 6-ўринга чиқиб олди. Самарқанд клуби бу мавсум ўзининг 800-очкосини қўлга киритди. "Динамо" олий лигага қайтган мавсумда ўзининг 850-голини уриши ва 1000-голини ўтказиши мумкин.

Жиззахнинг “Сўғдиёна” клуби ўзининг юбилей 650-учрашувни ўтказди ва ўз очколри сонини 750тадан ошириб олди. Жиззах клубиолий лига қайтган мавсумида 850-голини уриши ва ўз очколарини 800тага етказиб олишлари кутилмоқда.

“Бунёдкор” бир йил ичида умумий жадвалда икки поғона кўтарилиб 9-ўринга чиқиб олди. Клуб ўзининг очколарини 700тадан ошириб олди. 2017 йилда клуб ўзининг 300-ўйинини ўтказди. Сўнгги турда Акром Комилов томонидан урилган гол "Бунёдкор"нинг юбилей 600-голи бўлиб тарихга кирди. Янги йилда “қалдирғочлар” 350-учрашувда майдонга тушишади ва ва 200-голни ўтказиб юборишлари мумкин.

Бу мавсум 4-турда "Шўртан" билан ўйинда Дилмурод Каримов томонидан урилган гол "Металлург" учун олий лигадаги юбилей 700-гол бўлди. Кейинги мавсумда жамоа ўзининг 600-учрашувини ўтказади ва 700-очкосига эга чиқади. Бундан ташқари яна 7та ғалабдан сўнг 200-ғалаба қайд этилади.

“Қизилқум” бу йил ўзининг 500-учрашувини ўтказди. 6-турда “Сўғдиёна” билан баҳс жамоа учун юбилей ўйин бўлди. 2018 йилда “Қизилқум” 200-ғалабага эришиши ва 700-очкони қўлга киритиши мумкин. Бу мавсумдаги охирги ўтказилган гол навоийликларнинг ўтказган 750-голи бўлди.

“Машъал” клуби бу йил 28-турда "Қизилқум" билан баҳсда ўзининг 200-ғалабасига эришди. 8-турда "Бунёдкор" билан ўйинда Зафа Тўраев томонидан урилган гол "Машъал"нинг 600-голи бўлди. Кейинги мавсум муборакликлар 500-ўйини ўтказишади ва 700-очкони қўлга киритишлари мумкин.

Кетма-кет иккинчи йил Ўзбекистони чемпиони бўлган “Локомотив” бу йил ўз очколарини 600тадан ошириб олди ва 350-учрашувини ўтказди. 28-турдан ўрин олган "Бухоро" билан баҳсда Сардор Мирзаев томонидан урилган гол "темирйўлчилар" учун олий лигадаги юбилей 600-гол бўлди. Кейинги йил жамоа 200-ғалабасини қўлга киритиши, голлари ва очколарини 650тадан ошириши мумкин.

“Қўқон-1912” бу йил очколари сонини 450тадан ошириб олди. 27-туридан ўрин олган "Бухоро" билан ўйинда Мурод Холмуҳаммедов урган гол "Қўқон-1912"нинг олий лига тарихидаги 500-голи бўлди. Ўша баҳсдаги дуранг клубнинг миллий чемпионатдаги юбилей 50-дуранги бўлди. Қўқонликлар сўнгги турда "Олмалиқ" билан баҳсда 700-голни ўтказишди. Кейинги мавсум жамоа 400-учрашувни ўтказади.

Бу йил “Шўртан”нинг ўйинлари сони 340тага етди. Яна 7та голдан сўнг ғузорликларнинг олий лигадаги голлари сони 400тага етади.

“Олмалиқ” клуби дарвозасидан 400-гол ўрин олди. Бундан ташқари клубнинг очколари сони 350дан ошди. Яна битта ғалабадан сўнг жамоанинг умумий ғалабалари сони 100тага етади. "Олмалиқ"нинг голлари 400тага етиши учун яна 10та гол етишмаяпти.

Олий лигада иккинчи бор иштирок этган ва мавсумни охирига етказа олмаган Тошкентнинг "Обод" клуби бу мавсум 50-учрашувини ўтказди. Ушбу мавсумда "Обод" дарвозасига 100-гол урилди.

№	Жамоалар	Ў	Ю	Д	М	Т-Н	О
1	Пахтакор (Тошкент)	770	522	123	125	1722-657	1689
2	Нефтчи (Фарғона)	770	468	115	187	1545-814	1519
3	Навбаҳор (Наманган)	770	365	147	258	1315-950	1242
4	Насаф (Қарши)	618	350	114	154	1127-683	1164
5	Бухоро (Бухоро)	744	302	120	322	1042-1123	1026
6	Андижон (Андижон)	688	226	134	328	942-1142	812
7	Динамо (Самарқанд)	680	235	119	326	828-987	824
8	Сўғдиёна (Жиззах)	658	222	111	325	847-1112	777
9	Бунёдкор (Тошкент)	310	215	60	35	600-176	705
10	Металлург (Бекобод)	584	193	118	273	737-929	697
11	Қизилқум (Зарафшон)	524	195	107	222	665-750	692
12	Машъал (Муборак)	486	201	88	197	627-659	691
13	Локомотив (Тошкент)	366	184	71	111	609-428	623
14	Трактор (Тошкент)	490	178	87	225	684-814	621
15	Дўстлик (Тошкент вилояти)	346	169	52	125	669-532	559
16	Қўқон 1912 (Қўқон)	370	134	50	186	504-701	452
17	Сурхон (Термиз)	374	109	66	199	461-726	393
18	Шўртан (Ғузор)	340	109	54	177	393-566	381
19	МҲСК (Тошкент)	216	106	44	66	420-335	362
20	Олмалиқ (Олмалиқ)	280	99	58	123	390-423	355
21	Хоразм (Урганч)	248	62	44	142	281-518	230
22	Зарафшон (Навоий)	196	60	37	99	263-355	217
23	Янгиер (Янгиер)	216	56	37	123	266-385	205
24	Турон (Нукус)	164	44	23	97	171-329	155
25	Косонсой (Косонсой)	156	40	25	91	171-305	145
26	Гулистон (Гулистон)	154	34	17	103	142-340	119
27	Атласчи (Марғилон)	124	34	16	74	149-280	118
28	Чирчиқ (Чирчиқ)	122	26	25	71	130-240	103
29	Тўпаланг (Сариосиё)	86	28	12	46	103-146	96
30	Кимёгар (Чирчиқ)	104	25	21	58	113-193	96
31	Академия (Тошкент)	34	16	11	7	72-45	59
32	Семурғ (Ангрен)	72	15	12	45	99-200	57
33	Обод (Тошкент)	60	8	9	43	40-103	33
34	Цементчи (Қувасой)	30	8	7	15	39-64	31
35	Чилонзор (Тошкент)	34	8	6	20	51-70	30
36	Шаҳрихончи (Шаҳрихон)	32	7	7	18	25-67	28
37	Вобкент (Бухоро)	30	3	6	21	23-70	15
38	Ўз-ДонгЖу (Андижон)	30	2	7	21	17-65	13