Latest news

17:05Про лига. "Олимпик-MobiUz" "Олимпик" билан ўйнамоқда (онлайн ҳисоб)  0 16:40"Ювентус" "Челси" ҳимоячисига қизиқиш билдирмоқда  0 16:08"Бавария" Кейнга ўринбосар топиб қўйди  0 15:31Чуамени: "Ямалнинг ишлари "Эл Класико"га ҳарорат қўшди"  3 15:03Тез орада ишдан бўшаши кутилаётган АПЛ мураббийлари (ТОП-5)  6 14:35Мухлислар норози бўлиши аниқ: АПЛ узоқ йиллик анъанасини бузишга тайёрланмоқда  2 14:05Рэтклифф Левандовскининг МЮга ўтишига тўсқинлик қилган  2 13:37Шомуродов Туркия Суперлигасида тур рамзий жамоасидан ўрин олди  5 13:17Суперлига. 27-турга ҳакамлар тайинланди  7 12:53Туркияда ҳакамлар қимор ботқоғида: 150 нафардан ортиқ ҳакам тергов остида!  1 12:25Брендан Рожерс "Селтик" мураббийлигидан истеъфога чиқди  2 11:59ЎФФ президенти "Бенфика" клуби шароити билан танишди  3 11:38"Челси" қозоғистонлик футболчини Франция клубига ижарага беради  3 10:41"Барселона" МЮга керак бўлмай қолган яна бир футболчининг трансферига 70 миллион евро сарфлашга тайёр  2 10:10Ламин Ямал "Реал"га қарши ўйиндан сўнг ижтимоий тармоқдаги саҳифасига ўзгартириш киритди  17

"Бухоро"нинг тайёргарлиги, янги футболчилар, ёшлар ёхуд Улуғбек Бакаев иккинчи даврада юқорилашга умид қилмоқда News

"Бухоро"нинг тайёргарлиги, янги футболчилар, ёшлар ёхуд Улуғбек Бакаев иккинчи даврада юқорилашга умид қилмоқда

"Бухоро" кеча ёзги ўқув-йиғин доирасидан ўрин олган навбатдаги назорат учрашувини ўтказди.

"Сурхон" билан кечган ўйинда Улуғбек Бакаев шогирдлари 0:2 ҳисобида мағлубиятга учради. Учрашувдан сўнг "Бухоро" устозининг фикрларини тингладик. 

— "Бухоро"нинг мавсумнинг илк қисмидаги натижаларини яхши деб бўлмайди. Бундан қандай хулоса олдингиз? Жамоага нима етишмади?

— Биринчи даврадаги иштирокимиз ҳақида нима дейиш мумкин? Бир қанча омадсиз ўйинларимиз бўлди. Ёқимсиз серия қайд этдик. Яна бир нечта учрашувларда охирги дақиқаларда гол ўтказиб юбордик. Бунинг оқибатида футболчилар руҳий "чуқурликка" тушиб қолишди.

— Тайёргарлик жараёнларидан кўнглингиз тўляптими?

— Иккинчи даврага яхши тайёргарлик олиб бормоқдамиз. Селекция ишлари давом этмоқда. Барчамиз Суперлига бошланишини кутяпмиз. Ўйлайманки, мавсумнинг қолган қисмида аввалги хатоларимизни такрорламаймиз.

— Суперлигада нималар кутяпсиз?

— Ҳозирги ҳолатимизда ҳар бир ўйинда қўлга киритилган очко олтинга тенг ҳисобланади. Мақсадимиз турнир жадвалида юқорироққа кўтарилиш.

— Янги келган футболчилар "Бухоро"га қай даражада ёрдам бера олади?

— Кетган футболчилар жамоага қўлидан келганича ёрдам берди, уларга раҳмат айтаман. Катта ҳажмдаги ишни бажаришди. Янги келганларга келсак, буни вақт кўрсатади. Умид қиламанки, биз тўғри танлов қилдик.

— Биринчи даврада ёшлардан Жавоҳир Рўзиевга имконият бердингиз. Жамоада яна иқтидорлар борми? Уларни майдонда кўришимиз мумкинми?

— Футболда иқтидорлар эмас, меҳнатсеварлар бор. Футболчини меҳнати, ҳаракати юзага чиқаради. Ким кўпроқ меҳнат қилса, майдонда самарасини кўради. Ҳар бир футболчида имконият бор, барчаси уларнинг ўзига боғлиқ. Ким ўзини кўрсатса — ўйнайди.

Маълумот учун, "Бухоро" Суперлиганинг 16-турида 1 август куни ОКМК билан куч синашади.

Rating:    

Comments

   
01 aug 08:59:26
Baxtiyor Xamraev
Бу кетишда Бухоро баттар булади нахотки битта нормальный тренер келтириб булмаса Бухорога? шундан билса булади футболга э'тибор ноль
championat.asia
< show latest news
Яндекс.Метрика