“Бунёдкор” бугун янги мураббий бошчилигида йиғинга киришади
03 jan 2019 12:14
News

“Бунёдкор” бугун янги мураббий бошчилигида йиғинга киришади

Маълумки, “қалдирғочлар” устози Миржалол Қосимов яқинда АГМК дан тушган таклифни қабул қилиб, “Бунёдкор” билан дўстона равишда хайрлашганди.

Эндиликда Тошкент жамоасига ким бош мураббий бўлиши кўпчиликни қизиқтириб келмоқда. Олинган маълумотларга кўра, “Бунёдкор” бугун Шуҳрат Мақсудов бошчилигида янги мавсумга тайёргарликни бошлайди. Бунгача “қалдирғочлар”нинг ёшлар жамоасини бошқариб келган Шуҳрат Мирусмановичга мураббийлар штабида Юрий Саркисян, Виктор Карпенко ҳамда Марат Галимов ёрдам бериши кутилмоқда.

Жамоа таркибида бир қатор ўзгаришлар бўлиши турган гап. Сабаби клуб билан шартномаси якунига етган футболчилар талайгина. Шунинг учун мураббийлар бунгача бошқа жамоаларда ижара асосида ўйнаган ўйинчиларини ортга қайтаришга қарор қилган.