Карвахаль ва Арбелоа ўртасида зиддият борми?

Оммавий ахборот воситаларида жамоа сардори Даниэль Карвахаль кам ўйин амалиёти туфайли янги бош мураббий Альваро Арбелоа билан гаплашмаётгани ҳақида хабарлар тарқалган эди.

Клуб нима дейди? "COPE" нашрининг хабар беришича, "Қироллик клуби" ичида мураббий ва футболчи ўртасида ҳеч қандай низо кўрилаётгани йўқ. Клуб раҳбарияти Карвахальнинг майдонга тушиш ва ўзини кўрсатиш истагини тушунади, бироқ Арбелоанинг ўз режаси бор.

Эҳтиёткорлик — бош мезон: Арбелоанинг фикрича, 34 ёшли ҳимоячининг соғлиғини хавф остига қўйиш ярамайди. Мураббий Карвахаль оғир жароҳатдан сўнг яна сафдан чиқмаслиги учун эҳтиёткорлик билан ёндашмоқда.

Карвахаль ўзини 100 фоиз тайёр деб ҳисобламоқда ва тушунтириш кутмоқда.

Арбелоа эса рискни минималлаштириш ва ҳимоячини мавсумнинг энг муҳим палласига соғ-саломат олиб келишни мақсад қилган.

Эслатиб ўтамиз, "Реал" айни дамда Ла Лига чемпионлиги ва ЕЧЛ учун курашни давом эттирмоқда. Бундай муҳим паллада жамоа сардорининг тажрибаси керак, бироқ унинг жисмоний ҳолати биринчи ўринга чиқмоқда.