«Бунёдкор» академияси икки юлдузли академия мақомини олди

Танишувдан асосий мақсад академия икки юлдузли мақомга лойиқ эканлигини кўздан кечириш эди. Куни кеча ишчи гуруҳга раҳбарлик қилган Ласло Салаи ОФК «Бунёдкор» футбол академиясидаги яратилган шароитлар академияга икки юлдузли мақомни беришга лойиқ эканлигини тасдиқланганини маълум қилди. Маълум бўлишича, ОФК «Бунёдкор» академиясига икки юлдузли мақом бериш бўйича расмий ҳужжатни шу йилнинг февраль ойида топширишни мўлжалламоқда

Маълумот ўрнида айтиш керак, академиялар бўйича энг юқори мақом уч юлдузли ҳисобланади. Қатардаги «Эспайр» футбол академияси Осиёда уч юлдуз олган академиялар қаторига киради. Европада «Порту», «Аякс», «Барселона» футбол академиялари уч юлдуз мақомини олган.

Япониянинг «Фукишима», Жанубий Кореянинг «Сеул» жамоаларининг академиялари Осиёдаги икки юлдузли академиялардир. Шуни алоҳида таъкидлаш лозимки, «Бунёдкор» академияси нафақат Ўзбекистонда, балки Марказий Осиёда икки юлдузли мақомини олган илк академиядир.

Айтиш керакки, бу мақом клуб ва академияда фаолият юритаётган инсонларнинг меҳнатига берилган асл баҳодир. Икки юлдузли академия мақомини олган «Бунёдкор» футбол академияси бундан кейин ҳам ўзбек футболига юлдузларни етиштириб беришда давом этади.