Бугун "Ал-Айн"нинг 25 минглик стадиони очилади (фото)

25 минг томошабинга мўлжалланган "Хазза Бин Зайед" номини олган стадиондаги илк ўйин бугун "Ал-Дафра" клубига қарши ўтказилади. Аслида бу стадионнинг очилиш маросими 14 январь куни бўлиб ўтиши лозим эди. Бу борада "Манчестер Сити" клуби билан ҳам келишиб олинганди. Бироқ, "шаҳарликлар"нинг Англия Кубогидаги ўйини сабаб бу режа амалга ошмай қолганди. Шу тариқа, биргина "Ал-Айн" клубининг ўзи 3та стадионга эга бўлди. Биринчи стадионнинг номи "Тахнун бин Муҳаммад", иккинчисиники "Халифа бин Зайед".

Тахнунда "Ал-Айн" уй учрашувларини, "Ҳалифа"да эса машғулотларини ўтказаётганди. Бундан ташқари, бу ўйингоҳда миллий терма жамоамиз 1996 йили Осиё Кубоги доирасидаги ўйинларини ҳам ўтказган. Шунингдек, иккинчи стадионда яқинда ўсмирлар ўртасидаги ЖЧ ўйинлари ҳам бўлиб ўтган. Ҳозирда БАА мамлакати Осиё Кубоги-2019га даъвогарлик қиляпти. 25 минг мухлисни ўз бағрига сиғдира оладиган бу ўйингоҳ катталиги бўйича пойтахт Абу-Дабидаги стадионлардан сўнг учинчиси бўлади.

Камолиддин Алимов.