БМЛ. Тўртинчи тур

Мусобақа жадвали 24 соат ичида эътиборингизга ҳавола этилади.

ДИҚҚАТ! Бу сафар ўзгариш қилинади. Саволлар мазкур саҳифада ҳар 5 дақиқада бериб борилади.
Қоидалар билан таништириб ўтамиз:

•   Чат қилмаслик.
•   Флуд (битта гапни қайта-қайта) қолдирмаслик.
•   "CA" томонидан жавоб берилганидан сўнг қолдирилган жавоблар инобатга олинмайди.
•   Ўқувчининг биринчи жавоби қабул қилинади.
•   Жавоб берган ўқувчи томонидан қолдириладиган кейинги ҳар қандай фикр ўчирилади.

Қонун-қоидага амал қилмаган ўқувчи 24 соатга блок қилинади.

Ҳар бир саволга 5 дақиқа вақт берилади! Саволга биринчи тўғри жавоб берган иштирокчига 2, қолган тўғри жавоб берганларга 1 очкодан берилади.

САВОЛ №1: 18:00 - 18:05 (вақт) - Голландиянинг "Фейеноорд" клубига янги келган барча футболчилар антиқа ишни амалга оширишади. Улар стадионга қай тарзда ташриф буюришади? 

ЖАВОБ №1: Янги футболчилар "Фейеноорд"нинг уй стадиони бўлган "Де Куйп"га вертолетда учиб келиб осма зина орқали майдонга тушиб келишади. 

САВОЛ №2: 18:05 - 18:10 (вақт): Александр Гейнрих 2003 йил ЦСКА сафида айнан шу рақам остида ўйнаган. Бу қайси рақам? 

ЖАВОБ №2: 26

САВОЛ №3: 18:10 - 18:15 (вақт): Швециянинг АИК клуби 1998 йил ўз мамлакатида чемпион бўлган эди. Жамоа ғаройиб натижа қайд этиб чемпионликка эришган. Қандай натижа?

ЖАВОБ №3: АИК чемпионат давомида энг кам гол уриб чемпион бўлганди. 

САВОЛ №4: 18:15 - 18:20 (вақт): Италиялик посбон Жанлуижи Буффон ўз ўғлига Томас деб исм қўйган. Буффон қайси футболчи шарафига ўғлига шу исмни танлаган? 

ЖАВОБ №4: Жавоб: Камерунлик дарвозабон Томас Нконо шарафига.

САВОЛ №5: 18:20 - 18:25 (вақт): Павел Бугало, Темурхўжа Абдухолиқов, Эркин Бойдуллаев, Баҳодир Насимов. Бу футболчилар бир вақтнинг ўзида қайси жамоа сафида қайси мусобақада бирга ўйнашган?

ЖАВОБ №5: "Бунёдкор" сафида 2010 йилги МДҲ кубогида.