Манба: Тудор — "Тоттенхэм" янги бош мураббийи

Бу ҳақда инсайдер Фабрицио Романо хабар берди.

Лондонликлар хорватиялик мутахассис билан музокараларни якунлаб, жорий мавсум охиригача амал қиладиган шартноманинг асосий шартларини келишиб олди.

Хабар қилинишича, клуб раҳбарияти ҳал қилувчи учрашув ўтказиб, якуний қарорни Тудор фойдасига қабул қилган. Шартнома қисқа муддатли бўлиб, мавсумнинг сўнгги қисмида жамоа натижаларини барқарорлаштиришга қаратилган. Мураббий ва унинг вакили таклиф этилган шартларга розилик билдирган.

Тудорнинг тайинланиши Томас Франк билан хайрлашувдан кейин амалга ошди. "Тоттенхэм"да бош мураббий алмашинуви жамоадаги вазиятни тезкор тарзда яхшилаш ва мавсумнинг ҳал қилувчи босқичида барқарорликни таъминлашга ёрдам беради деб умид қилинмоқда.