Биринчи лига. Мавсумнинг энг яхши ярим ҳимоячиси: Шаҳбоз Жумабоев!

Буни қанчалик амалладик, муносиб баҳони ўқувчилар беришади. Лекин ҳар бир клуб расмийларидан бунинг учун алоҳида миннатдорчилик эшитиб келдик.

Ортда қолган мавсум-2014да биринчи лига учрашувларини сайтимизда ёритиб борилишида асосий ишни бажарган  4 нафар ходимимиз турли номинациялар бўйича энг яхшиларни аниқлади.

Хусусан мавсумнинг “Энг яхши ярим ҳимоячиси” Шаҳбоз Жумабоев бўлди. Андижонлик 22 ёшли футболчи бу йил “УзДонгЖу”нинг асосий фигураларидан бири бўлди. Марказий ярим ҳимоячи техник жиҳатдан юқори савиядаги ўйинчи эканлигини намойиш этди. Асосан индивидуал тайёргарлиги эвазига рақибларини Жумабоев ўзини кўрсатишга эришди. Шу билан бирга у жамоадошларини ортидан эргаштира олди.

Азиз Тўхтабоевнинг ҳам “Қўқон-1912”да ўрни катта. Бу йил лекин Тўхтабоев бутун мавсум мобайнида тўлиқ ўйнади дея олмаймиз. Бош мураббий Рустам Абдуллаев баъзида Азизни захирада қолдирди.

Ўз вақтида олий лигада чапақай футболчилар орасида етакчи бўлган Леонид Кошелев бу йил фаолиятини биринчи лигада ўтказди. “Банкирлар” сафида ҳам Кошелев асосий фигуралардан бири бўлди дейиш мумкин. Ажаб эмас Лоенид келаси йил яна элитага қайтар.
   
Энг яхши ярим ҳимоячи:
Шаҳбоз Жумабоев (“УзДонгЖу”) - 19
Азиз Тўхтабоев (“Қўқон-1912”) - 14
Леонид Кошелев (“НБУ-Осиё”) - 11
Солижон Хайруллаев (“Ғаллакор-Автомобилчи”) - 9
Санжар Тўрақулов (“Обод”) - 6