Latest news

17:59Вадим Абрамов: "Баъзи ўйинларимиз ижобий якун топганида ҳатто иккинчи ўринни олишимиз мумкин эди"  1 17:28Суперлига. Тарихда илк бор аёл ҳакам бошқарган ўйинда 6 та гол урилди   8 17:00Суперлига. "Насаф" ўз майдонида "Динамо" билан дуранг ўйнаб мавсумни учинчи ўринда якунлади  31 16:59Суперлига. Голи инобатга олинмаган ва бир киши кам қолган "Пахтакор" "Навбаҳор" майдонида очко йўқотганига қарамай, мавсумни иккинчи ўринда якунлади  43 16:35"Барселона" 126 йиллигини нишонламоқда: “Бир хил ранг, бир хил рамз, бир хил тарих"  9 16:18Ўртоқлик ўйини. Ўзбекистон аёллар терма жамоаси Эронни ишончли ҳисобда мағлуб этди  2 15:39ЖЧ-2026 гуруҳ босқичига қачон қуръа ташланади?  4 15:35"Ризеспор" — "Кайсериспор". Таркиблар маълум  2 14:28"Бунёдкор" билан ўйинда "Андижон"ни ким мураббий сифатида бошлаб тушиши маълум  3 14:17"Андижон" ярим ҳимоячиси кейинги мавсумни "Бунёдкор"да ўтказади   3 13:56Одил Абдумажидовга Кувайт ва Сербия клублари қизиқиб қолишди  1 13:16Суперлига. 30-турни қайси футболчилар ўтказиб юборади?  0 13:01Жамшид Искандеров: "Водийда чемпион бўлиш қийин"  6 12:43Гвардиола Силванинг "Манчестер Сити" билан янги шартномаси борасида фикр билдирди  1 12:15"Реал" янги ҳужумчи топди  4

Бир ўйин тарихи. Ўмон Ўзбекистонни Олмалиқда қандай мағлуб этганди? Аҳмедов дебют қилган, ПСЖ собиқ мураббийи Қосимовни енгган ўйин News

Бир ўйин тарихи. Ўмон Ўзбекистонни Олмалиқда қандай мағлуб этганди? Аҳмедов дебют қилган, ПСЖ собиқ мураббийи Қосимовни енгган ўйин

Ўмон билан тарихдаги ўйинлар ўзига яраша қийин ва муросасиз бўлиб келган.

Бугун ёдга олмоқчи бўлган учрашувимизга Олмалиқ шаҳри мезбонлик қилган ва ўйин ҳозирги ОКМК стадионида бўлиб ўтган. Унда Миржалол Қосимов шогирдлари ўртоқлик учрашуви доирасида франциялик Пол Ле Гуен бошчилигидаги Ўмон терма жамоасини қабул қилган. Тажрибали мутахассис бунга қадар Камерун терма жамоаси, ПСЖ, “Лион” клубларидаги фаолияти билан танилганини катта ёшли ишқибозлар яхши билишади деб ўйлаймиз.


Осиё кубоги-2015 тайёргарлик жараёнини олиб бораётган терма жамоамизга Ўмон спарринг рақиб вазифасини ўтайди. Биласиз, бу терма жамоа билан илгарлари кўп бор йўлларимиз кесишган. ЖЧ-2002 саралаш босқичида 2:4 ҳисобида мағлубиятга учраганмиз, биринчи ўйинда 5:0 ҳисобида вакилларимизнинг қўли баланд келган. Шундай экан уларга жиддий муносабатда бўлиш талаб этиларди. Гарчи, ўртоқлик ўйини бўлса ҳам. 

Мураббий ушбу беллашувга умуман бошқа ва ҳеч ким кутмаган футболчиларни таркибга жалб қилди. Чақирилганлар орасида янги номларни учратшимиз мумкин эди. Азим Аҳмедов, Шуҳрат Муҳаммадиев, Бобур Йўлдошев, Санжар Шоаҳмедов, Наврўзбек Алимов ва ҳоказо. Шунингдек, ўша вақтда Сербиянинг “Явор” клубида тўп тепаётган ёш футболчи Ҳусниддин Ғофуровга имконият беради. Тажрибали ярим ҳимоячи шундан сўнг Эктор Купер давридагина чақирув олади. Баҳсни нисбатан иккинчи таркиб билан бошлаган терма жамоамизни Одил Аҳмедов сардор сифатида олиб тушди. Сервер Жепаров, Азиз Ҳайдаров, Санжар Турсунов, Темур Кападзе сингари етакчилар бу сафар қайдномадан ўрин олишмади. Ўйин расмий мақомга эга бўлмагани учун қолган футболчилар синовдан ўтказишга қарор қилинди. Бу пайтга келиб Бахтиёр Ашурматов ҳам мураббийлар штабига таклиф этилганди. Қосимов ҳам “Бунёдкор”дан кетиб бор эътиборини миллий жамоага қаратишга киришганди. 

Ўмон дарвозасини шу куни кўпчилик кутган, Англиянинг “Уиган”, “Вест Бромвич” клубларида ҳаракат қилган Али Ал Ҳабси эмас, Ал Рашиди қўриқлайди. Илк дақиқалардан мазмунли футбол кўрсатишга ҳаракат қилга футболчиларимиз асосан бир тепар усули билан ўмонликлар ҳимоясини ёриб ўтишга ҳаракат қилиб кўришди. Тўп назорати ҳам ҳамюртларимиз томонида бўлди. 

Аммо, 17-дақиқага келиб рақиб ўйиндаги илк ҳужумини ташкил қилди. Ҳимоячиларимиз эса қуполлик билан уларнинг ўйинчисини тўхтатди. Владислав Цейтлин белгилаган нуқтага Ал Хадри яқинлашди ва Элдор Суюнов дарвозаси томон зарба йўллади. Дарвоза устунига тегиб қайтган тўпга биринчи бўлиб етиб келган Ал Маҳаижри гол уриб ҳисобни очади. Ушбу футболчи Ўмо терма жамоасида шу вақтга қадар энг кўп 178та учрашувда қатнашган ўйинчи ҳисобланади. Айнан унинг голи биринчи беллашувда жамоасига ғалабани олиб келганди. 

Бир томондан мағлубиятга оддий қараш керак, бошқа томондан мағлубият ФИФА рейтингимизга салбий таъсир қилиши мумкин эди. Иккинчи бўлимда заҳирадан Фозил Мусаев, Жасур Ҳасанов, Сардор Рашидовлар тушганига қарамасдан барибир якунда мағлубиятга учрадик. Бироқ, мазкур ўйинда айрим ёш футболчилар терма жамоадаги дебютини нишонлашга муваффақ бўлишди. Иккинчи ўйин Тошкентда ЖАР стадионида ўтган ва унда ҳам термамиз мағлубиятни қабул қилиб олганди. Бу баҳс Максим Шацких, Улуғбек Бакаев, Виктор Карпенко Ўзбекистон терма жамоаси либосида сўнгги бор майдонга тушгани билан аҳамиятли ҳисобланган. 


Ўртоқлик учрашуви.

Ўзбекистон – Ўмон– 0:1

27.05.2014. Олмалиқ. ОКМК стадиони.

Гол: Аҳмад Ал Маҳаижри 19.

Ўзбекистон: Элдорбек Суюнов, Егор Кримец, Бобурбек Юлдашев, Шуҳрат Муҳаммадиев, Азимжон Аҳмедов (Сардор Собирхўжаев, 72), Олег Зотеев, Одил Аҳмедов (Фозил Мусаев, 54), Жамшид Искандеров (Жасур Ҳасанов, 67), Санжар Шоаҳмедов (Игорь Сергеев, 54), Иван Нагаев (Наврўзбек Алимов, 67), Ҳусниддин Ғофуров (Сардор Рашидов, 46).

Бош мураббий: Миржалол Қосимов

Rating: +2   

Comments

   
29 aug 21:46:30
Qwerty 007
Reply to comment by ABDUVOXID
CAFA уйинлари трансляция килинадими? Тожикистон Хиндистон уйинни каердан курса булади
Kanallarni bilmadimu, youtubedan CAFA ning kanalidan olib beryapti
   
29 aug 20:37:35
ABDUVOXID
CAFA уйинлари трансляция килинадими? Тожикистон Хиндистон уйинни каердан курса булади
championat.asia
< show latest news
Яндекс.Метрика