Бензема "Атлетико"га қарши ўйнашни истамоқда

Манба хабарига кўра, "Реал Сосьедад"га қарши ўйинда (2:0) мушаклари шикастланган франциялик футболчи дербида ўйнашни истамоқда ҳамда "Атлетико"га қарши ўйингача тикланиш учун қўлидан келган ҳамма нарсани қилмоқда.

Мадрид клуби ҳам Бенземанинг ўйинда иштирок этишига умид қилмоқда, аммо клуб футболчининг соғлиғини хавф остига қўймоқчи эмас.

Якуний қарорни "Реал" бош мураббийи Карло Анчелотти қабул қилади.

Жорий мавсумда 33 ёшли футболчи "Реал" сафида барча турнирлар доирасида 20 та ўйин ўтказиб, 17 та гол урди ва 8 та голли узатмани амалга оширди.