Бектемир Абдуманнонов: "Асосийси мақсадим - жамоага ёрдам бериш"
14 apr 20:37
News

Бектемир Абдуманнонов: "Асосийси мақсадим - жамоага ёрдам бериш"

Ўзбекистон кубогининг 1-туридан ўрин олган "Андижон" - "Динамо" (2:2) учрашувидан сўнг Бектемир Абдуманнонов ўз фикрларини билдириб ўтди.

- Бугун ғалаба учун ҳаракат қилдик. Шунақа бўлиши керак экан. Ҳар икки жамоа яхши ҳаракат қилди. Биз ҳар бир учрашувга ғалаба учун ҳаракат қиламиз.

- Темур Кападзе бош мураббийлигидаги U-23 терма жамоаси якуний рўйхатига киритилмадингиз. Бунга муносабатингиз қандай?

- Ўзимни кўрсатиш учун ҳар бир учрашувда бор имкониятимни ишга солиб ҳаракат қилаяпман. Терма жамоа рўйхатига кириш ёки кирмаслигимни ҳал қилиш мураббийларнинг зиммасида. Вақти келганида чақиришса, ёрдам беришга тайёрман.

- Бу йилги мавсумда ҳозирча 5 та голли узатмани амалга оширдингиз. Бу сизга қандай мотивация беради?

- Ҳар бир учрашувда астойдил ҳаракат қилаяпман. Асосий мақсадим жамоага ёрдам бериш. Голларда иштирок этаётганимдан хурсандман.

- "Металлург"дан кетишингизга сабаб нима?

- Ҳар бир мураббийнинг ўз танлови бўлади. "Металлург"да ёрдамчи мураббий билан гаплашиб олганмиз. Шундан сўнг улар мени қўйиб юборишган. "Андижон"да мураббийлар менга ишонишаяпти. Ана шу ишончли оқлаш учун ҳаракат қилаяпман.

Link :

Source : championat.asia

Receive latest football news directly on your phone. Subscribe for our Telegram channel!

Rating: +5