Бахтиёр Ашурматов: "Янгиер"да ғалабага бўлган иштиёқ кучлилик қилди"

Ўйин ҳақида

- "Янгиер"да бугун ғалабага бўлган ҳоҳиш ва иштиёқ кучлилик қилди. Улар ўз меҳнатлари эвазига ғалабани қўлга киритишди, жамоани ғалаба билан табриклайман.

- Жамоангиз ўтган ўйинда ҳам, бугун ҳам сўнги дақиқаларда гол ўтказиб мағлуб бўлди. Буни қандай изохлайсиз?

- Бугунги мағлубиятга сабаб бўлган бўлган голни хавфли вазият ҳам деб бўлмайди. Дарвозабонларда бу каби холатлар учраб туради. Гол ўтказиб юборганимиздан сўнг бизга тўп назорати етишмади. "Янгиер" охиригача курашди, улар дуранг бўлаётган вазиятда ғалаба учун курашишди. Биз ҳозир гуруҳда қийин вазиятга тушиб қолдик. Олдинда яна иккита ўйинимиз бор, ушбу учрашувларда ғалаба қозониб вазиятни тўғрилашимиз керак.

- Суперлига ва Про-лига жамоалари орасида қандай фарқни сездингиз?

- "Янгиер" жамоасини "Бухоро" ва "Олимпик" жамоаларига қарши ўйинларини кўриб чиққандик. Бу жамоада яхши савиядаги футболчилар бор. Бугун улар охиригача курашишди ва ҳаққоний ғалабага эришишди. Бу йилги мавсумда Про-лига савияси ўсган, бугунги ўйин бунга яққол мисол. Кубок учрашувларида бундай ҳисоблаб учраб туради.

- Биринчи турдан сўнг гуруҳда қайси жамоанинг имкониятларини юқори баҳолаяпсиз?

- Бугунги ғалабадан сўнг "Янгиер"да ҳам имконият бор. Умуман ҳозир ҳар бир жамоада имконият сақланиб турибди. Биз ҳозир қийин холатдамиз, олдиндаги учрашувларда вазиятни тўғрилашимиз керак.

- Жамоангиз сўнги 6 та учрашувда 1 та ғалаба қозонди. Шу ҳақидаги фикрларингиз?

- Бу футбол, уйдаги ўйинларда вазиятлардан фойдалана олмаслик бизга қимматга тушмоқда. "Металлург" билан ўйинда вазиятларга эга бўлишимизга қарамасдан охирида гол ўтказиб юбордик. Йигитлар мағлубиятдан тўғри хулоса чиқарган холда кейинги ўйинларда бутунлай бошқача футбол намойиш этишади.