Latest news

00:55Фримпонг жароҳати қанчалик жиддий экани маълум бўлди  0 00:51Эдем Неманов: "Медаллар учун курашамиз ва барчаси ўзимизга боғлиқ"  0 00:50Владимир Бубанья: "Насиб бўлса, ўтиш ўйинларида иштирок этмаймиз"  0 00:39Вадим Абрамов: "Самарқанд ЖЧга мезбонлик қиладиган стадионга эга бўлиши керак. Чемпионлик учун курашмаётганимизга ўзимиз айбдормиз"  1 23:55Шерзод Жўраев: "Насаф"дек жамоага қарши футболчиларни алоҳида руҳлантириш шарт эмас"  0 23:30Месси МЛСдаги танаффус пайтида Саудия Арабистони клубига ўтмоқчи эди, аммо саудияликлар бунга рози бўлишмаган  22 23:11Расман: Лучано Спалетти "Ювентус" бош мураббийи этиб тайинланди  3 23:05Суперлига. "Навбаҳор" – "Насаф" 0:0  5 22:59Рўзиқул Бердиев ОКМК билан ўйиндан кейинги матбуот анжуманида айтган гаплари бўйича изоҳ берди (тўлиқ матбуот анжумани)  18 22:31Пирс Морган Криштиану Роналдунинг ҳаётидаги "энг очиқ" интервьюни эълон қилди. Суҳбат кейинги ҳафта премьера қилинади  4 22:02Ҳаким Фузайлов: "Жамоам 70 дақиқа футбол ўйнаяпти. Балки ўрнимга бошқа мураббий мавсумни тугатиб қўйгани маъқулдир"  5 21:39Лисандро оғир жароҳатидан сўнг МЮ машғулотларига қайтди  0 20:50Ибрагимович: "Интер"да бир қоида бор эди: агар кетма-кет икки ўйинда ютқазсак, маошлар кечиктириларди"  2 20:35Суперлига. "Насаф" "Навбаҳор" майдонида очко йўқотди  202 20:27Суперлига. "Динамо" "Хоразм"ни ишончли тарзда мағлуб этди  11

Бахтиёр Ашурматов: "Тез орада "уйга" қайтамиз деб умид қиламан" News

Бахтиёр Ашурматов: "Тез орада "уйга" қайтамиз деб умид қиламан"

Coca-Cola Суперлиганинг 13-туридан ўрин олган "Қўқон-1912" - "Навбаҳор" (1:2) учрашувидан сўнг мезбонлар бош мураббийи Бахтиёр Ашурматов матбуот анжуманида иштирок этди.

Ўйин ҳақида

- Афсуски нохуш анъана давом этди. Уйда ғалаба қозонишга қийналаяпмиз. Йигитлар ўйинда ёмон ҳаракат қилишмади. "Навбаҳор"да гол уриш коеффиценти юқори бўлди. Биринчи голдан сўнг катта куч билан олдинга ўтгандик, лекин рақиб қарши ҳужумда иккинчи голни ҳам уриб кетди.

Бизда ниманидир ўзгартириш керак. Раҳбарият ва мухлислар олдида хижолатдамиз. Кейинги ўйинларда ғалаба учун ҳаракат қиламиз.

- Қувондиқ Рўзиевнинг ўрнини тўлдириш бўйича қандай ишлар амалга оширилди?


- Биз унинг ўрнини тўлдиришга ҳаракат қилаяпмиз. Ўша нуқтада камчилигимиз кўриниб турибди, лекин жамоамизга Рўзиевга ўхшаган хусусиятга эга футболчи топилмаяпти. Биз ёзги трансферлар вақтида "Локомотив"дан Жавоҳир Сидиқовни олмоқчи эдик, лекин амалга ошмай қолди. Балки кейинги ўйинларда ўша чизиқда Анвар Ҳожимирзаевни синаб кўрармиз.

- Заҳирадан ўйинчи тушириш кеч амалга оширилди?


- Биринчи бўлимда ҳам футболчиларимизда хато ёки чарчоқ аломатлари кўрингани йўқ. Шу сабабдан биз захирани кечроқ амалга оширдик. Уйдаги ўйинда 2 нафар ҳужумчи билан ўйнашни истагандик, афсуски Ҳамидулло Абдуҳамидовда жароҳат бор эди. Бундан ташқари Мўмин Мелиев эндигигина жароҳатдан қайтганди.

- Учрашувда кўп ҳуштак чалинди. Бу ўйин даражасига таъсир кўрсатдими?


- Иккинчи даврада ҳакамларга эътироз билдирмаган ҳолда ўйнашга кўрсатмаларни бергандик. Ўйинда кўп ҳуштак чалиниши масаласини ҳакамлар қўмитаси кўриб чиқади.

- Ишқибозларнинг стадионга киритилмаслиги, учрашув Қўқонда бўлмаганлиги ўйинга таъсир кўрсатади деб ҳисоблайсизми?

- Мухлислар стадионда бўлгани ўйин жозибасини оширади. Гапнинг очиғи мухлисларимиз қаршисида ҳам уйдаги ўйинларни ютқазганмиз. Бугунги мағлубиятга буни сабаб қилиб кўрсатмоқчи эмасман. Лекин ишқибозларнинг стадионга киритилмаслиги катта йўқотиш. Пандемия сабаб шундай холат юзага келмоқда.

Стадион ёритгичлари бўйича ҳаракат амалга оширилмоқда. Тез орада насиб бўлса уйдаги ўйинларни ўз майдонимизда ўтказамиз деб умид қиламиз.




Rating: +3   

Comments

championat.asia
< show latest news
Яндекс.Метрика