"Бавария" футболчиси жиддий жароҳат олди ФОТО
23 nov 2017 12:51
News

"Бавария" футболчиси жиддий жароҳат олди ФОТО

Кеча тунда Чемпионлар лигасида "Бавария" жамоаси "Андерлехт"ни сафарда 2:1 ҳисобида мағлуб этди.

Ана шу учрашувда мюнхенликлар ярим ҳимоячиси Тьяго Алькантара жиддий жароҳат олди. Бош мураббий Юпп Хайнкес испаниялик футболчининг жароҳати борасида шундай деди: "Тьяго катта эҳтимол билан соннинг юқори қисми мушакларидан оғир жароҳат олди". Футболчи "Андерлехт" билан ўйиннинг 44 дақиқасида алмаштирилди.

Шунингдек, Арьен Роббен ҳам 48 дақиқада жароҳат сабаб алмаштирилди. Голландиялик борасида Хайнкес шундай деди: "Ўйлашимча, жароҳат жиддий эмас. Арьенда мушаклар билан боғлиқ кичик муаммо бор".