"Барселона" деярли 1,5 млрд. евролик лойиҳага рози бўлди
25 apr 2023 00:27
News

"Барселона" деярли 1,5 млрд. евролик лойиҳага рози бўлди

"Барселона" Espai Barca лойиҳасини молиялаштириш борасида келишувга эришди.

Клуб раҳбарияти "Камп Ноу"да таъмирлаш ишлари, янги инфратузилма обьектларини қуриш ва стадион ҳудудидаги биноларни модернизация қилиш учун 1,45 млрд. евролик лойиҳа бўйича шартнома имзолади.

Ушбу маблағ 20 нафар инвестор томонидан ажратилади. Келишув бўйича, тўлов 24 йилгача бўлган муддат ичида амалга оширилади.

Клуб "Камп Ноу"даги ишлар якунланганидан сўнг арена даромади орқали тўлов қилишни бошлайди.

"Барселона"нинг баёнотида кафолат сифатида клуб акциялари қўйилмагани, ипотека олинмаганини маълум қилди.