Аутсайдерга ютқазган "Ростов", Тулада ғолиб бўлган "Зенит". Россия Премьер-лигаси 16-тур якуни
11 nov 2019 19:08
News

Аутсайдерга ютқазган "Ростов", Тулада ғолиб бўлган "Зенит". Россия Премьер-лигаси 16-тур якуни

Кеча Москвада бўлиб ўтган драматик ўйин билан Россия миллий лигасининг навбатдаги тури ниҳоясига етди ва унда бир қатор кутилмаган натижалар қайд этилди.

Яна шуни таькидлаб ўтиш лозимки, якунланган ҳафта мусобақада голлар қурғоқчилиги юзага келди. Ўтказилган 8 учрашувда бор йўғи 14 та гол урилди.

Қуйидагилар баҳсида сулҳ

Мамлакатнинг совуқ ва қаҳратон шаҳарларидан бири бўлган Екатеринбургда жойлашган "Урал" клуби бу сафар мусобақа жадвалида сўнгги поғоналарда бораётган Грознийнинг "Ахмат" жамоаси меҳмони бўлишди. Тенгма-тенг курашлар остида ўтган учрашувда ҳар иккала томон ҳам юзага келган вазиятлардан фойдаланишда оқсашди ва ўйинда жанговар дуранг қайд этилди.

FK Akhmat

Premier League . Round 16

08/11/2019, 20:30

Finished

Ural

Stadium: Akhmat-Arena

45'

90'

Open in Match Center

Рақобатчилар беллашувида "Динамо" ғолиб

Турнир жадвали нуқтаи-назаридан муҳим аҳамиятга эга бўлган кам сонли ўйинлардан бўлган баҳсда таркибида ҳамюртимиз тажрибали ҳимоячи Виталий Денисов ҳаракат қилаётган "Рубин" ўз уйида Москванинг "Динамо"сини меҳмон қилди ва кичик ҳисобда мағлубиятга учради. Денисов майдонга тушмаган учрашув тақдирини меҳмонларнинг ёш умидли легионер аьзоси 20 яшар польяк Себастьян Шиманьски томонидан киритилган гол ҳал қилди. Маьлумот ўрнида, кескин руҳда ўтган ўйинда ҳар иккала жамоадан учтадан футболчи огоҳлантирилди. Шунингдек, қозонликлардан Александр Зуев ҳамда меҳмон жамоадан Иван Ордецга иккинчи сариқ кароточка кетидан қизили кўрсатилди ва майдондан четлатилди.

Rubin Kazan

Premier League . Round 16

09/11/2019, 15:05

Finished

Dinamo Moscow

Sebastian Szymanski - 23'

Stadium: Kazan Arena

45'

90'

Open in Match Center

Аутсайдер жасорати

Анчадан бери оҳирги ўринларда изғиб юрган "Тамбов" клуби эндиги сафарда "Ростов" меҳмони бўлди ва кутилмаганда етакчи жамоа "Ростов"ни кучли ирода эвазига енгишга эришди. Ушбу учрашув билан қўшиб ҳисоблаганда ватандошимиз Элдор Шомуродовнинг голсиз серияси тўртта ўйинга етди. Миллий терма жамоамиз ҳужум чизиғидаги асосий фигуралардан бири бўлган форвард кўпроқ плэймейкер сифатида гавдаланди ва баҳс давомида учта заргарона узатмани амалга ошириш асносида иккита хавфли зарба беришга муваффақ бўлди. Ўйинга келсак, олдинига Бьёрн Сигурдарсон бош билан чиройли гол муаллифига айланди ва ҳисобни очди. Бироқ, иккинчи бўлимда нисбатан жонланган меҳмонлар рақиб жамоа ҳимоячисининг қўпол хатосидан кейин Георгий Мелкадзе томонидан киритилган тўп билан мувозанатни тиклашди. 70-дақиқага келиб, Владимир Обухов урган гол натижасида эришилган муваффақият янги бош мураббий Сергей Первушин қўл остида кетма-кет қўлга киритилган учинчи ғалаба бўлди.

FC Rostov

Bjoern Sigurdarson - 7'

Premier League . Round 16

09/11/2019, 17:30

Finished

FC Tambov

Georgi Melkadze - 52', Vladimir Obukhov - 70'

Stadium: Rostov Arena, 25589 spectators

45'

90'

Open in Match Center

"Спартак" яна ғолиб

Ваниҳоят, икки йил аввал чемпион бўлган ва жорий мавсум тахтга қайтишга ахд қилган "Спартак" ўтган турдаги муваффақиятсизликдан кейин яна ишончли ҳисобда ғалаба қозонди. Голларга келсак, ўйин бошида Европанинг топ-5 лигаларидан Испания, Италия ва Франция ички биринчиликларида ўйнаган "Ньюэллс Олд-Бойз" клуби тарбияланувчиси бўлган аргентиналик Эсекьель Понсе жамоасини олдинга олиб чиқди. Иккинчи бўлимнинг 82-дақиқасига келиб эса, белгиланган 11 метрли жарима зарбасини маҳаллий ўйинчи Зелимхан Бакаев аниқ амалга оширди. Спартакчилар ушбу муваффақиятдан сўнг, 6-ўрингача кўтарилиб олишди.

Spartak Moscow

Ezequiel Ponce - 3', Zelimkhan Bakaev - 83'

Premier League . Round 16

09/11/2019, 20:05

Finished

Krylya Sovetov Samara

Stadium: Otkrytiye Arena

45'

90'

Open in Match Center

Ўртамиёналар тўқнашувида дуранг

Мусобақа жадвалида бир-бирига жуда яқин жойлашган ва деярли бир ҳил очко жамғарган жамоалар "Оренбург" ва "Уфа" бу турда ўзаро тўқнаш келишди. Кескин курашларга бой ўтган учрашувда ҳисоб очилмади. Ушбу ўйинда ҳамюртимиз иқтидорли вингер Вадим Афонин бу сафар ҳам кўриниш бермади. Қизиғи шундаки, Оренбург шаҳрининг айнан шу ном билан аталувчи жамоаси дуранг орқали саккизинчи қатордан 7-поғонага кўтарилиб олди. Меҳмонлар эса, эгаллаб турган ўринларидан бир қадам ҳам силжишмади.

FC Orenburg

Premier League . Round 16

10/11/2019, 12:30

Finished

FC Ufa

Stadium: Gazovik Stadium

45'

90'

Open in Match Center

Тулада мағлубият

Туланинг "Арсенал" жамоаси ўз уйида Санкт-Петербург азим шаҳрининг "Зенит" клубини меҳмон қилди ва минимал ҳисобда мағлуб бўлди. Яна бир тенгма-тенг курашлар остида кечган баҳс тақдирини қитьадошимиз эронлик Сардор Азмун томонидан урилган гол ҳал қилиб берди. Бу вазиятда у марказий ҳимоячи Вячеслав Караваевнинг пасидан унумли фойдаланди. Питерликлар қўлга киритилган муҳим ғалаба натижасида пешқадамлигини мустаҳкамлаб олган бўлса, меҳмонлар икки поғона пастлашди ва турнир жадвалининг экваторига жойлашишди.

Arsenal Tula

Premier League . Round 16

10/11/2019, 15:00

Finished

Zenit St. Petersburg

Sardar Azmoun - 63'

Stadium: Arsenal Stadion

45'

90'

Open in Match Center

Аутсайдер яна мағлуб

Сўнгги вақтларда ҳеч ўзига келолмаётган ва аянчли аҳволга тушиб қолган жорий мавсумда элитага қайтган мусобақа дебьютанти "Сочи" бу сафар ўз мухлислари қаршисида шонли тарихга эга мамлакатнинг гигант жамоаларидан бири бўлган ЦСКАга аламли тарзда ютқазиб қўйди. Ўйинга тўхталадиган бўлсак, олдинига Андрей Мостовой ҳисобни очди. Орадан тўққиз дақиқа ўтар-ўтмас Миха Мевля автогол муаллифига айланди ва ўртадаги мувозанат тикланди. Биринчи бўлимга қўшиб берилган дақиқаларнинг учинчисида Дмитрий Полоз яна жамоасини ҳисобда олдинга олиб чиқди. Бироқ, бу ҳали ҳаммаси эмас эди. Ўйиннинг иккинчи ярми бошларида, Иван Обляков ва Фёдор Чалов томонидан киритилган голлар меҳмонларга муҳим очкони тақдим этди. Ушбу ғалабадан кейин москваликлар кучли учликка қайтишга муваффақ бўлишди.

PFC Sochi

Andrey Mostovoy - 7', Dmitry Poloz - 45'

Premier League . Round 16

10/11/2019, 17:30

Finished

CSKA Moscow

Miha Mevlja - 16', Ivan Oblyakov - 52', Fedor Chalov - 55'

Stadium: Fisht Olympic Stadium

45'

90'

Open in Match Center

Етакчилар жангида муроса

Ўтган тур доирасида нисбатан кучсиз иштирокчиларга қарши ўйнаб, дурангга имзо чеккан етакчилар қаторида бораётган "Локомотив" ва "Краснодар" ўзаро 3 очко учун кураш олиб боришди. Кеескин ва муросасиз олишувлар остида кечган учрашувда муроса кўчаси танланди. Даставвал, мезбонларнинг Европа топ-клубларида ўйнаган ва етарлича тажриба орттирган ярим ҳимоячиси Гжегож Криховяк жамоасини олдинга олиб чиқди. Аммо орадан олти дақиқа ўтмасидан швед футбол мактаби тарбияланувчиси бўлган 33 ёшли форвард Маркус Берг аниқ зарбаси билан ҳисобни тенглаштирди. Ушбу натижадан кейин москваликлар бир поғона юқорилаб, 2-ўринга чиқишди. Сергей Матвеев шогирдлари эса, аксинча битта ўрин пастга жойлашишди.

Lokomotiv Moscow

Grzegorz Krychowiak - 41'

Premier League . Round 16

10/11/2019, 20:00

Finished

FC Krasnodar

Marcus Berg - 45'

Stadium: RZD Arena

45'

90'