"Атлетико" коронавирус пандемияси даврида вафот этган 32 мухлисининг аъзолик рақамларини сақлаб қолади

Испан клубининг хабарига кўра, "Атлетико" пандемия даврида ҳалок бўлган 32 мухлиснинг клубга аъзолик рақамларини рамзий хотира сифатида сақлаб қўяди.

"Сўнгги бир неча ой давомида биз қийин кунларни бошдан кечирдик ва "Атлетико" оиласи COVID-19 оқибатларига бепарво бўлмади. Афсуски биз "Атлети"ни бутун тарихи давомида улуғвор қилган таниқли футболчилар ва мураббийлар, шунингдек баъзи клуб мухлисларимиз билан хайрлашишга мажбур бўлдик. Тез орада имкони бўлгунча клуб уларга рангларимизга содиқ бўлишгани учун миннатдорлик билдиради ва улар доимо қалбимизда мангу яшашади.

Пандемия даврида жамоамизнинг камида 32 мухлиси ҳаётдан кўз юмган. Янги мавсум бошида, ҳар йили июнь ойида клуб учун аъзо бўлганларнинг ўлим ҳолатлари ёки бекор қилинганлиги сабабли бўшаган рақамлари янги эгаларини топарди.

Аммо, бундай вазиятда клуб 2020/21 йилги мавсумда ҳам уларнинг рақамлари сақлаб қолади, улар хотираларда мангу яшашади ва клуб уларга миннатдорчилик билдиради", - дейилади "Атлети" хабарида.

"Атлетико" коронавирусга қарши кураш учун 20000та ниқоб хайрия қилди