Latest news

23:17"Андижон" сўнгги турда "Бунёдкор"ни мағлуб этган ўйиндан ФОТОГАЛЕРЕЯ  0 22:25Исак "Ливерпул" сафидаги дебют голини урди  2 21:34"Реал" 50 млн евролик трансферни амалга оширишга тайёр  8 21:00АПЛ. "Ливерпуль" Лондонда "Вест Хэм"ни мағлуб этди  7 20:56А Серия. "Интер" Лаутаронинг дубли эвазига меҳмонда "Пиза"ни мағлуб этди  2 20:29"Челси" — "Арсенал". Таркиблар маълум  26 20:05Савиньо қишда "Манчестер Сити"ни тарк этиши мумкин  2 19:22Рэшфорд "Барселона"ни тарк этиб, ПСЖга ўтиши мумкин   3 19:02АПЛ. "Манчестер Юнайтед" Лондонда иродали ғалабага эришди  16 18:53Александр Хомяков: "Бундай ўйинларда битта гол кўп нарсани ҳал қилади"  6 18:39Февзи Давлетов: "Бухородаги стадион майдони ёмон бўлгани учун узун паслар билан ўйнадик"  3 18:35Илёс Зейтуллаев: "Андижон" учун мотивация муҳим роль ўйнади, "Бунёдкор" ажойиб мавсум ўтказди"  1 18:31Суперлига-2025. Игорь Сергеев — тўпурар  6 18:21Баҳром Ҳайдаров: "Плей-оффда ўйнайдиган 4 та клуб ҳам Суперлигада қолса керак"  0 18:10Иван Бошкович: "Қизил карточка ўйиннинг энг муҳим вазияти бўлди, "Қўқон-1912"га омад тилайман"  8

Арвеладзе Англияда — қандай қилиб? News

Арвеладзе Англияда — қандай қилиб?

Сўнгги йилларда юртимизда фаолият юритган мутахассислар орасида энг кучлиси Шота Арвеладзе эди, балки.

2017 йилнинг ёзида Тошкентнинг "Пахтакор" клубини қабул қилиб олган мураббий 2020 йилнинг охирида жамоа билан хайрлашган эди. Кейинроқ грузиннинг Тошкентга қайтиши тўғрисида миш-мишлар тарқалди. 8 июнь куни сайтимизга интервью берган Жафар Ирисметов буни рад қилмаганди.

Бу пайтда турк матбуоти Шотани "Фенербаҳче" ва "Кайсериспор" клублари бошқаруви учун асосий даъвогар сифатида кўрсатаётганди. Шунингдек, баҳорда Юстиновичнинг хизматлари Қатарнинг "Ал Гарафа"си қизиқаётгани ҳақидаги хабарлар ҳам матбуот юзини кўрди.

Саудия Арабистонидаги муваффақиятсизликдан кейин ЎФА Вадим Абрамовнинг жойини айнан Шота орқали тўлдирмоқчилиги айтилганди

Ноябрь ойида эса Арвеладзенинг "Халл Сити" устозига айланаётгани тўғрисида янгиликлар тарқалди. Қуйида шу ҳақда батафсил маълумот берамиз.

Шотанинг "Туманли Альбион"га йўл олиши тўғрисидаги хабарлар унинг дўсти Ажун Илижали (туркиялик медиамагнат) номи билан боғлиқ.

Гап шундаки, аввалроқ Нидерландия чемпионатида иштирок этувчи Ситтарднинг "Фортуна" клубини харид қилган "Tv8" хўжайини Англияда ҳам бир клуби бўлишини хоҳлади. Ажун Илижалининг танлови Чемпионшипда оғир кунларни бошдан ўтказаётган "Халл Сити" бўлди.

"Халл" турк медиамагнати учун 35,4 млн еврога тушди. Айни пайтда ҳужжатларни расмийлаштириш ишлари олиб борилмоқда. Расмиятчиликлар тугаши билан "Пахтакор"нинг собиқ устози "Халл Сити"нинг янги бош мураббийига айланади.

"Трабзонспор" афсонаси, мураббий сифатида Туркиянинг "Кайсериспор" ҳамда "Қосимпошо" клубларида ишлаган Шота Арвеладзе Ажун Илижалининг яқин дўсти ҳисобланади. Маълум бўлишича, 2 ўртоқ ўртасидаги келишув октябрь ойидаёқ амалга ошган. Улар 17 октябрь куни ўтказилган "Трабзонспор" 3:1 "Фенербахче" ўйинини томоша қилиш учун Ажуннинг шахсий учоғида Трабзонга етиб боришган эди.

Машҳур тадбиркор яқинда "Televole"га берган интервьюсида болалигидан АПЛ мухлиси экани, "Халл Сити"ни юқори дивизионга қайтариш ҳақида ўйлаётгани ва жамоанинг асосини турклар ташкил қилиши ҳақида гапирди. Бу лойиҳа амалга ошса, ўзбек футболини яқиндан биладиган Шота қайсидир ҳамюртларимизни "Туманли Альбион"га чоралаши ҳам ҳеч гап эмас...

Бевосита Ажун Илижалига тўхталадиган бўлсак, у 1969 йил Эрзурумда туғилган. Ҳаётда ўз ўрнини топишга анча қийналди. Телевидение соҳасига 22 ёшида оддий спорт журналисти сифатида кириб келган Ажун айни пайтда турк медиасидаги энг машҳур ва бой исмлардан бири ҳисобланади. "Фенербаҳче" жамоаси мухлиси ва яқин кўмакчиси ҳисобланади. 

У Истанбул жамоасига доимий равишда молиявий дастак бериб туради. "Фенербаҳче"нинг баъзи трансферлари унинг номи билан боғланади. Хусусан, Месут Ўзилни Туркияга олиб келган ҳам айнан у экани айтилади. 

Қуйидаги суратда эса Ажун Илижали ва Туркия президенти Ражаб Тоййиб Эрдўғонни кўришингиз мумкин.

Маълумот учун, Шота Ареладзе ҳам турк медиаси ва футбол оламида ниҳоятда машҳур ҳисобланади.

Туғилган кунини нишонлаётган "сеҳрли таёқча"

Author :
Rating: +6   

Comments

championat.asia
< show latest news
Яндекс.Метрика