Артета: "Футболчиларим билан фахрланаман"

"Футболчиларим билан фахрланаман. Улар кўрсатган ўйин, майдонда улар ижросидаги доминантлик учун хурсандман. Албатта, бугун ўта аламли мағлубият қабул қилиб олдик.

Агар сиз бу каби эпизод учун пенальти белгиласангиз, бошқа бир эпизодда (Биссек ва Хаверцнинг иккинчи бўлим охиридаги тўқнашуви – таҳририят) ҳам жарима белгилаш зарур, сабаби футболчининг бошига зарба берилмоқда. Жарима майдончасида бу контактдан қочиш учун ҳеч нима қилиб бўлмасди. Агар бу пенальти белгиланган бўлса, иккинчисида ҳам юз фоизлик пенальти эди.

Биз камида 2 та гол уришимиз керак эди, биз одатдагидек яхши ўйин кўрсата олдик. Жарима майдончасидаги ҳар бир қарор муҳим. Бугунги ўйинимиздан келиб чиқсак, биз "Челси"ни енга оламиз", - деди Артета.