"Арсенал" футболчисининг онаси контейнерда яшайди ФОТО
04 mar 2018 18:36
News

"Арсенал" футболчисининг онаси контейнерда яшайди ФОТО

"Арсенал" раҳбарияти 20 ёшли ярим ҳимоячиси Эйнсли Мэйтленд-Найлснинг маошини ҳафтасига 30 минг фунтгача кўтариб юборди.

Оқибатда Эйнсли акаси билан бирга 700 минг фунтли хонадонни ижарага олишди.

Бу вақтда футболчининг онаси 38 ёшли Жули Найлс металл заводидаги 3 квадрат метрли контейнерда яшамоқда. Ҳар тунда Жули завод қоровулхонасига ухлагани боради, деб ёзади Mirror.

"Бу ерда ҳожатхона ва ювиниш хоналари, умуман олганда ҳеч қандай шароит йўқ.
Ўғлим менга бемалол уй сотиб олиб бериши мумкин эди. Бироқ уни пул бошини айлантирди. У "Арсенал"да ўйнайдиган бўлса, менинг олдимга келмасин. Шу орқали нотўғри иш қилаётганини билсин", - деди Жули.

"Арсенал" вакиллари эса ушбу хабарни муҳокама қилишни рад этишди.

Бу мавсумда Мэйтленд-Найлс "Арсенал" таркибида 9 ўйинда майдонга тушган.