АПЛ. Январь ойининг энг яхши футболчиси маълум бўлди
07 feb 2020 16:21
News

АПЛ. Январь ойининг энг яхши футболчиси маълум бўлди

Англия Премьер-лигасининг январь ойидаги энг яхши футболчиси эълон қилинди.

Бу номга "Манчестер Сити" ҳужумчиси Серхио Агуэро лойиқ деб топилди. Тўпурар ўйинчи январь ойида 3та ўйинда майдонга тушиб, 6та гол ва 1та ассист қайд этди.

"Сити" ўйинчиси "Ойнинг энг яхши футболчиси" номига еттинчи бор сазовор бўлмоқда. Бу эса рекорд натижадир.

Агуэро жорий мавсум АПЛ доирасидаги 19та ўйинда майдонга тушиб, 16та гол ва 3та ассист қайд этди.

Эслатиб ўтамиз, аргентиналик ҳужумчи жамоага 2011 йилда "Атлетико"дан ўтган эди. У 2006 йилдан бери Аргентина терма жамоаси шарафини ҳам ҳимоя қилади.