АПЛ. Муаммолар гирдобидаги МЮ ва жароҳатларга "кўмилган" "Тоттенхэм" бугун ўз ўйинларини ўтказади

Турнинг дастлабки баҳсида "Брайтон" ўз уйида "Вест Хэм"ни мағлуб этди - 1:0.

Бугун учрашувлар давом эттирилади. Қуйида бугунги ўйинларга бағишланган превьюни эътиборингизга ҳавола этамиз.

АПЛ
8-тур, 06.10.2018
"Бёрнли" - "Хаддерсфилд"

Бу жамоалар АПЛ доирасида фақат икки бор тўқнаш келишган. Ўтган мавсумда ўтказилган ҳар икки учрашувда ҳам 0:0 ҳисоби қайд этилган.

"Бёрнли" ўтган йил ўз майдонида шу даражада яхши натижалар қайд этганидан Британияда "Терф Мур мўжизаси" деган ибора пайдо бўлган эди. Аммо, жорий мавсум жамоа уйда 2 бор ютқазишга улгурди. Лекин, бугунги рақиб 3 очко олишга имкон берадиган "ўлжа"дек кўринмоқда.

"Кристал Пэлас" - "Вулверхэмптон"

Мезбонлар ўтган тур "Борнмут"га ютқазиб қўйишган эди. Лекин, ўйин бўйича улар бунга ҳақли эди деб бўлмайди. Ҳисоб 1:1 бўлиб турган паллада жамоа "Борнмут"га катта босим ўтказаётганди, бироқ Мамаду Сахо кутилмаган жамоаси дарвозасига пенальти олиб келди. "Пэлас" бугун мавсумни яхши бошлаган дебютантни енгиши мумкин.

"Бўрилар" АПЛнинг дастлабки 7 турида бир хил таркибда майдонга тушишди. Шу тариқа, улар Премьер-лига тарихида биринчи 7 турда бир хил асосий таркибда ўйинни бошлаган учинчи жамоага айланишди. Бунгача "Лидс" (1992-1993 йилги мавсум) ва "Астон Вилла" (2008-2009) клублари шундай кўрсатгич қайд этишган эди.

"Лестер" - "Эвертон"

"Лестер" чемпионатда дурангларсиз кетмоқда. "Ливерпуль" ва "Борнмут"дан учралган мағлубиятдан сўнг "тулкилар" "Хаддерсфилд" ва "Ньюкасл"ни доғда қолдиришди. Ҳужумкорликни ёқтирадиган мезбонларнинг имкониятини бироз юқорироқ деб баҳоласа бўлади.

"Ирислар" бугунги рақибларидан 3 очко ортда қолишмоқда. Ғалаба орадаги фарқни йўққа чиқаришни таминлайди. Лекин, сафарда ўзини кўрсата олмаётган "Эвертон" учун бу иш қийин вазифага айланади.

"Тоттенхэм" - "Кардифф"

Бир қарашда бу тўқнашувда "шпорлар" яққол фаворит ва кўпчилик Поччеттино шогирдларидан йирик ғалаба кутишмоқда. Бироқ, "Тоттенхэм"да кадрлар билан боғлиқ жиддий муаммолар пайдо бўлган. Уго Льорис сафга қайтган бўлсада, Ян Вертонген, Деле Алли, Мусса Демлебе, Серж Орье ва Кристиан Эриксен жароҳатдан қутулмаган ва улар клуб лазаретида. Бундан ташқари, Давинсон Санчес ҳам жароҳат олгани ҳақида хабарлар пайдо бўлди. Кўриниб турибдики, лондонликларни аутсайдерга қарши осон бўлмаган ўйин кутиб турибди.

"Уотфорд" - "Борнмут"

Мавсумни жуда яхши бошлагана "Уотфорд" 3 ўйиндан бери ғалаба нималигини билмай келмоқда. Хавьер Грасия шогирдлари МЮ ва "Арсенал"га сафарда мағлуб бўлди ва "Фулхэм" билан дуранг ўйнади. Лекин, "арилар" уйда ҳужумкор футбол намойиш этишади.

"Борнмут" эса ўз уйида 5 ўйиндан бери мағлубиятга учрамаяпти. Сафардаги охирги учрашувида жамоа "Бёрнли"дан 0:4 ҳисобида енгилган. Эдди Хау шогирдлари уйда қанчалик ишончли ўйнаётган бўлса, сафарда бунинг акси.

"Манчестер Юнайтед" - "Ньюкасл"

Майдондаги ўйини қолиб, майдондан ташқаридаги воқеалар билан кўпроқ гап-сўзларга сабаб бўлаётган "Манчестер Юнайтед"нинг ўйинини кўпчилик кутмоқда. Бу куннинг асосий интригаси. Кўпчилик бу учрашувдан кейин Жозе Моуриньо истеъфога чиқадими ёки йўқ деган саволга жавоб олмоқчи. Жамоа ўтган тур сафарда "Вест Хэм"дан енгилди. МЮ АПЛ тарихидаги ўзининг энг ёмон стартини амалга оширди. Жамоа дастлабки 7 турдан сўнг бор йўғи 10 очко жамғарган. Британия нашрларининг айримлари бугун қандай натижа қайд этилишидан қатъи-назар Моур истеъфога чиқарилади деб бонг ураётган бўлса, қолганлари Жозе ҳозирча кетмаслиги ҳақида ёзмоқда.

АПЛ
8-тур учрашувлари

05.10.2018

"Брайтон" - "Вест Хэм" 1:0

06.10.2018

19:00. "Бёрнли" - "Хаддерсфилд"
19:00. "Кристал Пэлас" - "Вулверхэмптон"
19:00. "Лестер" - "Эвертон"
19:00. "Тоттенхэм" - "Кардифф"
19:00. "Уотфорд" - "Борнмут"
21:30. "Манчестер Юнайтед" - "Ньюкасл"

07.10.2018

16:00. "Фулхэм" - "Арсенал"
18:15. "Саутгемптон" - "Челси"
20:30. "Ливерпуль" - "Манчестер Сити"

Англия Премьер-лигаси турнир жадвали >>>>> АПЛ