Анвар Бердиев: "Вазиятлардан фойдалана олмаслик камчилиги қон билан кириб, жон билан чиқар экан"

- Ўйин ҳақида

- Дербига яраша ўйин бўлди. Тенг курашлар остида ўтди. Бизда имкониятлар кўпроқ бўлди. "Машъал" битта стандард вазиятдан фойдаланиб кетди. Уларни Суперлигага йўл олганлари билан табриклайман. Бизда ҳам имконият бор. Ҳаракат қиламиз.

- Бугунги ўйин тактикаси ҳақида сўрамоқчи эдим. Қандай бўлиши керак эдию, амалда қандай бўлди?

- Бизда имконият кўпроқ бўлди. Футболда гол урмасангиз, ғалаба қозониш қийин. Биринчи бўлимда яққол вазиятдан ўйинчиларимиз фойдалана олишмади. Машғулот жараёнида буни тушунтиравериб чарчадим тўғриси. Машғулотларда ҳам шунақа ҳолатлардан фойдалана олмайдиган ҳолатлари бўлиб туради. Бу нарса футболчига қон билан кириб жон билан чиқар экан. Буни ўзгартириш жуда қийин экан. "Машъал" биздан кучли ўйнагани йўқ деб ўйлайман. 

- Гол урилган вазият ҳақида сўрамоқчи эдим. Адашмасам ҳимоячилар ўша вазиятда сунъий офсайдни юзага келтиришга ҳаракат қилишганди...

- У вазиятни таҳлил қиламиз. Ўша ҳолатда дарвозабонимиз билан марказий ҳимоячимиз йўқ жойдан хато қилишди. Буни охиригача таҳлил қилиш керак. Кимнидир айбдор қилиш керак эмас. Мағлуб бўлдик, бунда ҳаммани айби бор. 

- Нуриддин Ҳасановнинг қизил карточкаси фикрингиз қандай?

- У билан ўйиндан кейин гаплашмас, мен ҳеч нарса демадим деб айтди. Футболчи ўзини бундай тутиши керак эмас. Ҳакам ҳеч қачон ўз қарорини ўзгартирмайди. Аксинча ҳакамга майдонга тўғри ўйнаб ёрдам бериш керак.