Антонио Конте: “Биринчи голда қоида бузилганмиди? Йўқ”

“Бу жуда муҳим баҳс эди. Мен “Арсенал”ни чемпионлик учун кураш олиб бораётган 6 та жамоадан бири сифатида биламан ва улар мавсум охиригача бош соврин учун кураш олиб боришади. Уларни 12 очко ортда қолдириш биз учун муҳим эди.

Тўрт кун ичида биз иккита ажойиб клуб билан куч синашдик. Ўйлайманки, биз кўрсатаётган ўйнимиз билан турнир жадвалида етакчилик қилишга лойиқмиз. Футболчиларимдан мамнунман. Ҳар бир машғулотда улар ўзларини яхши жиҳатларини кўрсатишмоқда ва биз мавсум якунига қадар АПЛда ғолиб чиқиш учун курашишдан тўхтамаймиз.

Биринчи гол киритилган вазиятда қўполлик бўлганмиди? Йўқ. Англияда бундай вазиятлар ҳеч қачон қўполлик ҳисобланмайди.

Азар ҳар доим ўз савиясини намойиш этмоқда. Бугун у тўп билан яхши муомалада бўлди. Тўпсиз ҳам у майдонда катта ишни бажарди, ҳимоячиларга ҳам ёрдам беришга уринди”, дейди Конте.