Анри: "Бу ерга келганимдан бери ҳакамлик ҳақида гапирмагандим. Аммо улар ҳиқилдоғимга келди"
20 jan 2019 13:56
News

Анри: "Бу ерга келганимдан бери ҳакамлик ҳақида гапирмагандим. Аммо улар ҳиқилдоғимга келди"

"Монако" бош мураббийи Тьерри Анри Лига1нинг 21-тури доирасида "Страсбур" (1:5)дан учралган мағлубиятдан кейинги фикрлари билан ўртоқлашди.

"Рони Лопешни чалиб йиқитишганида VAR ишламади. Нима учун? Бироқ ундан кейин ишлатилди. Бу ғалати. Ҳакам ўша вақтда VAR ишламай қолганлигини айтди.
"Монако"га келганимдан бери ҳакамлик ва VAR тизими ҳақида гапирмагандим. Энди улар ҳиқилдоғимга келди.
Биз биринчи бўлимда 10 киши бўлиб ҳам яхшироқ ўйин кўрсатдик. Айнан ўша паллада биз гол урдик ва пенальти тепишимиз керак эди.
"Монако"ни лигада олиб қолиш учун келганман. Танқидларни қабул қилиш ва ишларни бошидан бошлаш керак.
Налдонинг қизили ҳақли тарзда берилди, у марказий ҳимоячи эди. У ҳақиқатдан ҳам хато қилди ва бунинг учун жазоланди. Бунгача у фақатгина фойдали иш қилаётганди", - деди Анри.

Link :

Source : Sky Sports

Receive latest football news directly on your phone. Subscribe for our Telegram channel!

Rating: +9