Андрей Шипилов: "Ғалаба қозонганимизда кайфиятимиз ҳам бошқача бўларди"

Андрей Шипилов: - Бугун тенг кучли рақибларнинг тўқнашувига гувоҳ бўлдик. Қайд этилган натижа ўйинга мос бўлди, деб ўйлайман. Вазиятлар иккала жамоада ҳам бўлди. Учрашув сўнгида босимни оширдик. Ютиб кетишимиз ҳам мумкин эди. Омадимиз чопмади. Агар ғалаба қозонганимизда кайфиятимиз ҳам бошқача бўларди. Ҳозир эса бир очко билан қаноатланишга мажбурмиз. 

Клуб раҳбарияти жамоани шакллантириш учун катта кўмак берди. Инсон ҳамиша бугунгиданда яхшироқ бўлишини хоҳлайди. Насиб бўлса ўйинимиз юришиб кетса, мухлисларимиз жамоанинг кучига ўзлари баҳо беришади.

Зоҳид Абдуллаев, жамоа сардори, учрашувнинг энг яхши ўйинчиси: Бугун Бекободда катта футбол байрами бўлди. Биз мухлисларимиздаги кайфиятни янада кўтаришни хоҳлагандик. Ғалабани кўзлаб майдонга чиқдик. Бироқ жамоа таркибини кўрдиларингиз, тўқсон фоизга янгиланган. Шу сабабли ҳам ўйинимиз бироз қовушмади. Мураббийларнинг кўрсатмасини юз фоиз бажара олмадик. Худо хоҳласа кейинги ўйинларда бунданда катта ғайрат-шижоат кўрсатиб, ишқибозларимизни хурсанд этамиз.