“Андижон” бугун “Косонсой” билан ўйнайди

Бу сафарги рақиб “Косонсой” жамоаси бўлади. Айни пайтда косонсойликлар ҳам иккинчи босқич ўйинларига тайёргарлик кўришмоқда.

Эртанги учрашувда Азамат Абдураимов аралаш таркибни майдонга туширишни режалаштирган. Яъни, мураббийлар таркибга қўшилган янги ўйинчилар ва ёшларни синовдан ўтказишади. “Косонсой” билан беллашувдан кейин андижонликлар навбатдаги ўртоқлик учрашувини 5 август куни “Қўқон-1912” жамоасига қарши ўтказишади. Эслатиб ўтамиз, бунгача “Андижон” “Навбаҳор” (1:1) ва “Нефтчи” ўринбосарлари (1:3) билан куч синашди.

“Андижон” клуби расмий сайти орқали ўтказиб келинаётган ойнинг энг яхши футболчини аниқлаш сўрови давом этмоқда. Сўров натижаларига кўра якунланган июль ойининг энг яхши ўйинчиси Темур Ҳакимов бўлди. У 57 балл билан 1-ўринни эгаллади. Аммо шуни ҳам айтиб ўтиш керакки, Темур иккинчи босқични “Андижон”да ўтказмайди. Чунки айни пайтда у “Пахтакор” сафига қайтган. Сўровга қайтадиган бўлсак, Акмал Жўрабоев 37 балл билан иккинчи, Баҳром Абдураҳимов эса 24та овоз тўплаб учинчи бўлишди.