"Андижон" йиғинига янги футболчилар қўшилмоқда
26 jan 2018 13:59
News

"Андижон" йиғинига янги футболчилар қўшилмоқда

Янги мавсумга Тошкентда тайёргарлик олиб бораётган «Андижон» сафига янги ўйинчиларнинг келиб қўшилиши давом этмоқда.

Бош мураббий Элдор Сакаев жамоа ўйини кучайтириш мақсадида Суперлига жамоаларидан бир қатор янги футболчиларни жамоага таклиф этган. Хусусан дарвозабонлар, Жавоҳир Қиличев («Бунёдкор»), Муҳиддин Худоёров («Бухоро»), ҳимоячи Вусол Магеррамов («Олмалиқ») ярим ҳимоячилар Лазиз Убайдуллаев, Суннатилла Мамадалиев («Шўртан») ҳамда ҳужумчилар Равшан Хурсанов («Навбахор»), Сирож Мелиев («Машъал») айни дамда «бургутлар»нинг ўқув-йиғин машғулотларида иштирок этмоқда.

Жамоа 27 январь куни пойтахт йиғинидаги биринчи назорат учрашувини Бекободнинг «Металлург» жамоасига қарши ўтказади. Мазкур учрашув «Бунёдкор» академиясининг машғулот майдонида, соат 11:00да бошланади.