"Андижон": Жавлон Гусейнов сафдан чиқди

Гап шундаки, марказий ҳимоячи Жавлон Гусейнов куни-кеча операция столига ётишга мажбур бўлди. Сабаби футболчини сон қисмидаги (пах) жарохати жиддийлашиб кетти ва «Насаф» билан ўйиндан сўнг шифокорлар унга машғулот ўтказишни вақтинчалик ман этиб қўйди. Шу боис Гусейнов жарохатидан бутунлай қутилиш мақсадида оёғини операция қилдирди.

- Бунгача асосан уколлар ёрдамида майдонга чиқиб, ўйнаб келаётгандим. Жамоамга ёрдам бериш ҳисси кучлилик қилди. Бироқ сўнгги пайтларда оғриқ жиддийлаша бошлади. Барибир қачондир операция қилдиришим шарт эди. Шу боис яқинда операция столига ётишга қарор қилдим. Худога шукур, операция жараёни кўнгилдагидек ўтди. Ҳозир аҳволим анча яхши. Насиб қилса 20-25 кунлардан сўнг яна сафга қайтаман. Албатта, «Машъал» билан ўйинда жамоадошларимга омад тилайман - дейди Жавлон Гусейнов.