"Андижон" бош мураббийи: "Тўғри – биз дебютантмиз, лекин..."
08 mar 2019 19:46
News

"Андижон" бош мураббийи: "Тўғри – биз дебютантмиз, лекин..."

Суперлига 1-тури доирасидан ўрин олган “Қизилқум” – “Андижон” баҳси 1:1 ҳисобида якунланди.

Ўйиндан сўнг “Бургутлар” жамоаси устози Илдар Сакаев қуйидагича фикр билдириб ўтди:

- Барча аёлларни байрам билан чин дилдан табриклайман. Бугун бизда 2 та айём: Зеро бугундан янги футбол мавсуми ҳам старт олди. Дастлабки ўйин анча муросасиз кўриниш олганини таъкидлай оламан. Ҳа, тўғри – биз дебютантмиз. Лекин бугун мухлисларга ёқадиган томошабоп ўйин кўрсата олдик, деб ўйлайман. Якунда дуранг қайд этидик. Ҳар бир қўлга киритиладиган очконинг қадри баланд.

“Қизилқум” анча шаклланган жамоа. Ушбу рақибга қарши муносиб ўйин намойиш этишга уриндик. Қўлдан келганча яхши ўйин намойиш этишга уринган шогирдларимга миннатдорчилик билдираман, - деди мутахассис.