Алишер Саматов: "Биринчи ўйин бўлгани учун ҳаяжонландик шекилли"
06 mar 2016 10:40
News

Алишер Саматов: "Биринчи ўйин бўлгани учун ҳаяжонландик шекилли"

"Бунёдкор" - "Нефтчи" (2:0) ўйинидан кейин меҳмонлар ҳимоячиси Алишер Саматов ўз фикрларини билдирди.

"Бугун дастлабки расмий учрашувни ўтказдик. Йигитларда ҳаяжон сезилди шекилли. Рақиб ўйинда устунликка эришди ва жамоавий ўйин кўрсатгани учун ғалаба қозонди".

"Навбатдаги баҳсга янада яхшироқ тайёргарлик кўриб ўз уйимизда ғалаба қозонишга уринамиз. Бугунги хатоларни кўриб чиқамиз ва уларни такрорламасликка ҳаракат қиламиз".

"Бизни қўллаб турган мухлисларга раҳмат айтаман. Афсус уларни хурсанд қила олмадик. Кейинги баҳсларда умид қиламанки ғалаба қозонамиз ва мухлисларни шод қиламиз", - дейди Алишер Саматов.

Нарзулла Сайдуллаев