"Ал Ҳилол" Бернарду Силва учун йилига 46,8 млн евро ва бонусларни таклиф қилишга тайёр
24 jun 2023 16:49
News

"Ал Ҳилол" Бернарду Силва учун йилига 46,8 млн евро ва бонусларни таклиф қилишга тайёр

Саудия Арабистонининг "Ал Ҳилол" клуби "Манчестер Сити" ярим ҳимоячиси Бернарду Силвага қизиқиш билдирмоқда.

Бу ҳақда "CBS Sports" журналисти Бен Жейкобс хабар берди.

Манбага кўра, "Ал Ҳилол" футболчига бонусларни ҳисобга олмаганда йилига 40 млн фунт (46,8 млн евро) маош бериладиган битим таклиф қилмоқчи.

"Сити" 28 ёшли футболчи билан шартномани узайтирмоқчи. Силванинг ўзи эса ҳали келажаги ҳақида бир қарорга келгани йўқ.

Олдинроқ ярим ҳимоячига ПСЖ ва "Барселона" клублари қизиқиш билдираётгани хабар қилинганди.

Силва ўтган мавсум 54 та ўйинда 7 та гол урди ва 6 та голли узатмани амалга оширди. Унинг шартномаси 2025 йилнинг ёзига қадар мўлжалланган. Transfermarkt портали футболчининг нархини 80 млн еврога баҳолаяпти.

Link :

Source : CBS Sports

Receive latest football news directly on your phone. Subscribe for our Telegram channel!

Rating: +1