Афсонавий боксчи Артур Григорян ёш футболчилар билан учрашди

Ўзбек бокси афсоналаридан бири ҳисобланган Артур Григорян мазкур ташриф давомида "Одил Жуниор" жамоасининг ёш футболчилари билан мулоқот қилди. 

Футбол ва бокс бошқа-бошқа йўналиш ҳисоблансада, уларнинг ҳар иккисини спорт бирлаштириб туради. "Қирол Артур" ёш спортчиларга фаолиятидаги қизиқарли ҳолатлар, босиб ўтилган йўл ҳақида гапириб берди. Уларга ўз маслаҳатларини берди. 

Ўз навбатида ёш футболчилар чемпиондан ўзларини қизиқтирган саволларга жавоб олишди. 

"Озғин бўлганим сабабли ёшлигимда лақабим "Скелет" эди. Атрофимдагилар мени шундай деб мазаҳ қилишарди. Бу эса ўз навбатида мени янада қаттиқ меҳнат қилишга, ишлашга чорларди. Орадан вақт ўтди ва мен Ўзбекистонга чемпион бўлиб қайтдим. Ўшанда мен уларга қарата "Кўрдингизми, ўша "скелет" бугун чемпион бўлди. Мени олға интилишга мажбур қилганингиз учун раҳмат" дедим. 

"Инсон меҳнат орқали юксак чўққиларни забт этади. Сиз ҳавас қиладиган Роналду ва Месси ҳам айнан шунинг ортидан машҳурликка эришган. Сиз нима учун Роналду бўла олмайсиз? У ҳам ўз вақтида сиздек кичкина бола бўлган. Ўз меҳнати орқали шундай даражага етиб келган".

Ёш футболчилар учрашувдан бир олам таассурот олишди. 

Учрашув давомида Григорян барча юртдошларимизни Мустақиллигимизнинг 28 йиллиги билан муборакбод этди. 

Тадбир сўнгида Артур Григорян эсдалик учун болажонлар билан суратга тушди. Шунингдек, улар учун автограф сессия ташкил этиб берилди.

TAS-IX 

TAS-IX эмас