А. Азизхўжаев хотира турнирда “Локомотив” болалари бронза медаллари соҳиби бўлди

Ушбу муксобақада “Локомотив” футбол мактабининг 2006 йилда туғилган болалари ҳам иштироқ этиб, яхши натижалар қайд этганини таъкидлаш лозим.

Аввалига ёш футболчиларимиз Тошкентнинг “Спартак” жамоасига қарши майдонга тушиб, кичик – 0:1 ҳисобида имкониятни бой бериб қўйишди. Айтиш керакки, “Спартак” кейинги ўйинларда бошқа рақибларини ҳам енгиб, якунда турнир ғолибига айланди. Иккинчи учрашувда жамоамиз “Бунёдкор” билан 3:3 ҳисобида дуранг ўйнади. Кейин “Пахтакор 2” жамоасини 3:1 ҳисобида мағлуб этди. Учинчи ўрин учун кечган бахсда “Пахтакор” устидан 2:1 ҳисобидан ғалаба қозонган “Локомотив” болалари мусобақанинг бронза медаллари соҳибига айланишди.

Ушбу жамоани мусобақага “Локомотив” футбол мактабида мураббий сифатида иш олиб борадиган Суннат Рўзиев тайёрлади.

Клубда болалар ва усмирлар футбол мактаби мудири лаврзимида иш олиб бораётган Эркин Саидов ва “Локомотив” профессионал футбол клуби спорт директори Равшан Муқимовларниинг болалар ва ўсмирлар футболи ривожи йўлида қилаётган меҳнатларини алоҳида таъкидлаш ўринли. 2006 йилда туғилган болаларнинг ушбу ютуғини клубнинг болалар футболига қаратаётган эътиборининг самараси сифатида эътироф этса бўлади.