11 йил. Эркин Байдуллаев қайтди...

Ёзги бозорнинг асосий трансфери сифатида кимдир Яхшибоевни, кимлар Денисов ёки Ғофуровни кўрсатяпти. Аммо сўнгги йиллардаги статистикага эътибор қилсак, "трансфер ойнаси"даги асосий ўтиш, шубҳасиз, Эркин Байдуллаев бўлди.

Самарқанд футбол мактаби тарбияланувчиси турли йилларда "Динамо", "Гулистон", "Сўғдиёна", "Бунёдкор", "Локомотив", "Насаф", "Қизилқум" ва АГМК клублари шарафини ҳимоя қилган.

У "Пахтакор" либосини ҳам кийиши мумкин эди. Лекин 2010 йилнинг охирида томонлар ўзаро келиша олмаган бўлса, 2015 йилнинг аввалида Байдуллаев "шерлар" йиғинида иштирок этса ҳам, "Насаф"га қайтишга қарор қилади. 

Эркин фаолиятининг бошида чап қанот ҳимоясида ҳам ўйнаган. У 2011 йилда "Насаф"га ўтганидан кейин майдон марказида муқим ўйнайдиган бўлди.

1984 йилда туғилган футболчи бир неча бор легионерга айланиши мумкин эди. 2012 йилда Эроннинг "Истиқлол" клуби "Насаф"га 200 минг долларлик таклиф юборган. Шу даврда Саудия Арабистонининг "Ал-Иттифоқ" жамоаси ҳам Байдуллаевни ўз сафида кўришни истаган. Аммо Усмон Тошев музокаралардан кейин ярим ҳимоячини қўйиб юбормаган эди.

Майдон марказидаги кучли рақобат туфайли Байдуллаев терма жамоада расмий учрашув ўтказа олмади. У фақат 1 марта (2013 йилда Озарбойжонга қарши) ўртоқлик ўйинида майдонга тушган. 

2020 йилнинг ёзидан бери "Қизилқум" сафида тўп тепиб келаётган ярим ҳимоячи "Динамо"га ўтиш учун Навоий клубидан шартномасини ўзи сотиб олди. Элгужа Григалашвилининг Самарқандга келишига ҳам Эдикнинг ҳиссаси катталиги айтилмоқда (улар бунга қадар "Қизилқум" ва АГМКда бирга тўп тепишган).

37 ёшли ўйинчи ҳар доим фаолиятини ўз уйида якунлашни орзу қилар эди. Бу воқеа 2023 йилнинг охирида самарқандлик мухлислар қаршисида рўй берса керак. Бугун эса Бойдуллаевни 11 йиллик танаффусдан кейин яна "Динамо" либосида кўришимиз мумкин. Учрашув 20:00 да "Пахтакор" стадионида старт олади...

Pakhtakor Dostonbek Hamdamov - 29', Dragan Ceran - 45', Przemysław Banaszak - 80'

Superliga. Round 14 01/08/2022, 20:00 2 : 3 Finished

Dinamo Marat Bikmayev - 19', Marat Bikmayev - 71'

45'

90'

22'  Przemysław Banaszak

29'  Dostonbek Hamdamov

29'  Ikram Alibaev

43'  Ikram Alibaev

45'  Dragan Ceran

45'  Przemysław Banaszak

70'  Azizbek Turgunbaev (Diyor Kholmatov)

70'  Sardor Sobirkhodjaev (Abbosbek Fayzullayev)

80'  Przemysław Banaszak

90'  Dostonbek Hamdamov (Mukhammadali Urinbayev)

19'  Marat Bikmayev

19'  Shokhrukh Mahmudkhojiyev

40'  Элгужа Григалашвили

55'  Erkin Baydullaev

70'  Shokhrukh Mahmudkhojiyev (Shokhmalik Komilov)

71'  Marat Bikmayev

90'  Yevgeniy Chumak (Shokir Yuldoshev)

90'  Marat Bikmayev (Fahriddin Alimov)

Open in Match Center