"Ювентус" футболчиси Дуглас Луис фаолиятини АПЛда давом эттириши мумкин
12 jul 19:24
News

"Ювентус" футболчиси Дуглас Луис фаолиятини АПЛда давом эттириши мумкин

"Вест Хэм" "Ювентус"нинг 27 ёшли ярим ҳимоячиси Дуглас Луисга қизиқиш билдирмоқда. Бу ҳақда La Gazzetta dello Sport нашри хабар берди.

Манба маълумотларига кўра, Италия гранди бразилиялик футболчини 40 миллион еврога баҳоламоқда, бироқ нарх бўйича музокара қилишга тайёр. "Вест Хэм" Луисни 10 миллион еврога ижарага олиш ва келгуси йили маълум шартлар бажарилган тақдирда, 25-30 миллион еврога сотиб олиш мажбуриятини ўз ичига олган таклифни бермоқчи. Бунга "Ювентус" рози бўлса, трансфер амалга ошиши мумкин.

Бразилиялик футболчи 2024 йил ёзида "Ювентус" сафига қўшилган. Ўтган мавсумда Луис барча мусобақаларда 27 та ўйинда иштирок этди, аммо ҳеч қандай самарали ҳаракат кўрсата олмади. Футболчининг клуб билан шартномаси 2029 йил ёзигача амал қилади. Transfermarkt порталида келтирилган маълумотларга кўра, футболчининг бозор қиймати 30 миллион еврони ташкил этади.

Link :

Source : La Gazzetta dello Sport

Receive latest football news directly on your phone. Subscribe for our Telegram channel!

Rating: +2