Юнус Али: "ОКМК вазиятлар ташкил этишда яхшироқ ҳаракат қилди. Шогирдларим янги мавсумга тўлиқ тайёр эмас"
23 aug 2023 11:15
News

Юнус Али: "ОКМК вазиятлар ташкил этишда яхшироқ ҳаракат қилди. Шогирдларим янги мавсумга тўлиқ тайёр эмас"

Осиё Чемпионлар лигаси саралаш босқичи доирасидаги "Ал Араби" — ОКМК учрашувидан кейин мезбонлар бош мураббийи Юнус Али матбуот анжуманида иштирок этди.

"Биз ажойиб ўйин ўтказдик, аммо мавжуд имкониятлардан фойдалана олмадик, ҳужумларни якунига етказишда шошқалоқликка йўл қўйдик. Ўзбекистон клуби эса вазиятлар ташкил этишда яхшироқ ҳаракат қилди. Учрашувга ташриф буюрган ҳамда жамоамизни қўллаб-қувватлаб турган мухлисларга минаатдорчилик билдираман ҳамда мағлубият учун улардан узр сўрайман. Бўлажак ўйинларда уларни хурсанд қилиш учун ҳаракат қиламиз.

Юсуф Мисакни ва Рафинья каби етакчиларимиз жароҳатидан энди тикланиб қайтишди, улар узоқ вақт майдонга туша олмагани боис ҳали мавсумга тўлиқ тайёр эмасди.

Шогирдларим яхши ўйин ўтказишди, бироқ баъзи футболчиларнинг қитъа чемпионати борасидаги тажрибаси юқори эмаслиги туфайли беллашув тизгинини қўлдан чиқардик", деди қатарлик мутахассис.

Link :

Source : championat.asia

Receive latest football news directly on your phone. Subscribe for our Telegram channel!

Rating: +4